مون سون بارشوں سے کسی بھی ہنگامی صورت حال سے نمٹنے کیلئے فوری طور پر فلڈ کرائسسز ..
تازہ ترین : 1

مون سون بارشوں سے کسی بھی ہنگامی صورت حال سے نمٹنے کیلئے فوری طور پر فلڈ کرائسسز منیجمنٹ سیل کا قیام

صوبہ بھر سے بارشوں سے ہونے والی کسی بھی کیفیت بارے معلومات اور ڈیٹا سے عوام الناس اور دیگر ادارمستفید ہو سکیں گے فلڈ کرائسسز منیجمنٹ سیل کے انچارج کے ٹیلی فون نمبر0300-9481075 سے معلومات حاصل کی جاسکیں گی

لاہور(اُردو پوائنٹ اخبارتازہ ترین۔ 02 جولائی2017ء)وزیر اعلیٰ پنجاب کی ہدایت پر محکمہ بلدیات نے صوبہ بھر میں مون سون بارشوں اور کسی بھی ہنگامی صورت حال سے نمٹنے کے لئے فوری طور پر لوکل گورنمنٹ کمپلیکس میں فلڈ کرائسسز منیجمنٹ سیل کا قیام عمل میں لایا گیا ہے جس کا صوبائی وزیر بلدیات محمد منشاء اللہ بٹ نے دورہ کیا ۔ اس سیل میں فی الحال دو شفٹیںکا اجراء کیا گیا ہے۔

صوبہ بھر سے مون سون بارشوں سے ہونے والی کسی بھی کیفیت بارے حاصل کی گئی معلومات اور ڈیٹا سے عوام الناس اور دیگر ادارمستفید ہو سکیں گے۔ مون سون بارشوںسے پیدا ہونے والی کسی بھی صورت حال میں بلدیات سے وابستہ ہر قسم کے معاملات بارے ڈیٹا اور بلدیاتی اداروں میں موجود مشینری ، جیکٹس،بوٹس،پانی کے اخراج سے وابستہ ہر قسم کی مشینری بارے استعمال کا ڈیٹا باقاعدگی سے رکھا جائے گا۔

انہوں نے کہا کہ تمام چیف آفیسرز میٹرو پولیٹین،میونسپل کارپوریشنز،ڈسٹرکٹ کونسلز اور میونسپل کمیٹیوں کو ہدایت جاری کر دی گئی ہیں ۔ انہوں نے کہا کہ اس سیل کے قیام بارے تمام کمشنرز ڈپٹی کمشنرز دیگر متعلقہ محکموں کو آگاہی فراہم کر دی گئی ہیں۔ انہوں نے کہا کہ فلڈ کرائسسز منیجمنٹ سیل کے انچارج ڈائریکٹر احمد حسیب میاںجنکے ٹیلی فون نمبر0300-9481075 سے معلومات حاصل کی جا سکتیں ہیں۔

انہوں نے کہا کہ عبدالہارون ایڈمن آفیسر کو فوکل پرسن بنایا گیا ہے۔جوپی ڈی ایم اے کے تعا ون سے سیلاب متاثرین سے متعلق ہر قسم کی سہولیات باہم پہنچائیں گے اور ہر قسم کا ڈیٹا محکمہ کو بھجوائیں گے۔انہوں نے کہا کے بارشوں اور سیلاب سے کسی بھی قسم کی اموات اور عمارات کو پہنچنے والے نقصانات بارے بھی ڈیٹا اس سیل میں جمع کیا جائے گا۔ انہوں نے کہا کہ بلڈ ڈیوٹیاںبہت حساس ہوتی ہیں اس میںکسی بھی قسم کی کوتاہی ناقبل برداشت ہونگی۔اس موقع پر سیکرٹری لو کل گورنمنٹ بورڈ، ڈائریکٹر سی اینڈ آئی،ڈائریکٹر ڈیٹا کولیکشن اور دیگر افران بھی موجود تھے۔
وقت اشاعت : 02/07/2017 - 13:00:36

اس خبر پر آپ کی رائے‎