دہلی میں لڑکوں نے سڑک پرکھیلنے سے منع کرنے والے شخص کوبیٹ مارکرقتل کردیا

جمعہ 30 جون 2017 13:07

نئی دہلی(اُردو پوائنٹ اخبارتازہ ترین - این این آئی۔ 30 جون2017ء) دہلی میں کم عمر لڑکوں نے سڑک پر کرکٹ کھیلنے سے منع کرنے والے شخص کو ہی بیٹ مارمار کر قتل کرڈالا۔

(جاری ہے)

میڈیا رپورٹ کے مطابق یہ واقعہ سبزی منڈی کے علاقے میں پیش آیا جہاں پرایک 22 سالہ شخص اپنی آنٹی کے گھر جارہا تھا کہ اس کو زور سے گیند لگی جس سے وہ غصے میں آگیا اورایک لڑکے کو تھپڑ رسید کرتے ہوئے ان پر چلایا کہ وہ کسی گراؤنڈ میں جاکر کھیلیں، لوگوں نے اس وقت تو بیچ بچاؤ کرادیا مگر جب وہ نوجوان آنٹی کے گھر سے واپس لوٹنے لگا تو دو لڑکوں نے بیٹ کے ساتھ اس پر حملہ کردیا، اسے شدید زخمی حالت میں ہسپتال پہنچایا گیا جہاں پر وہ جانبر نہ ہوسکا ،ْدونوں لڑکوں کو پولیس نے گرفتارکرلیا۔