ٹرمپ کی افغان پالیسی پہلے سے بگڑی صورتحال میں مزید بگاڑ پیدا کرے گی ،ْعمران خان

ٹرمپ کا کوئی کام نہیں کہ وہ بھارت کی افغانستان میں مداخلت کی راہ ہموار کرے ،ْ ٹوئٹ

جمعرات 29 جون 2017 19:40

اسلام آباد (اُردو پوائنٹ اخبارتازہ ترین - این این آئی۔ 29 جون2017ء) پاکستان تحریک انصاف کے چیئر مین عمران خان نے کہاہے کہ ٹرمپ کی افغان پالیسی پہلے سے بگڑی صورتحال میں مزید بگاڑ پیدا کرے گی ،ْٹرمپ کا کوئی کام نہیں کہ وہ بھارت کی افغانستان میں مداخلت کی راہ ہموار کرے۔مودی اور ٹرمپ ملاقات پر اپنے پیغام میں چیئرمین پی ٹی آئی عمران خان نے کہاکہ ٹرمپ کا کوئی کام نہیں کہ وہ بھارت کی افغانستان میں مداخلت کی راہ ہموار کرے ۔

(جاری ہے)

بھارت کے برعکس یہ پاکستان ہے جس کی افغانستان کے ساتھ مشترکہ سرحد ہے ۔ ٹرمپ کی افغان پالیسی پہلے سے بگڑی صورت حال میں مزید بگاڑ پیدا کرے گی ۔ ٹرمپ کی مداخلت سے تنازعے کے حل میں مسائل جنم لیں گے ۔چیئرمین پی ٹی آئی نے نواز لیگ کو تنقید کا نشانہ بناتے ہوئے کہا ہے کہ شریفوں کی سفاکیت شرمناک ہے ،ْسیاسی گارڈفادر ضیاء الحق کے ورثے کو زندہ رکھے ہوئے ہیں ۔ عمران خان نے کہا کہ جے آئی ٹی میں پیشی پر حسین نواز اور ان کے چیلے آنسو بہاتے ہیں ،ْسفاکیت کا مظاہرہ کرنے والے شریف سنگین جرائم کے باعث جے آئی ٹی میں پیشی پر مظلومیت کا رونا روتے ہیں۔