وزیر اعظم نواز شریف اور عمران خان کو جمہوریت کی فکر نہیں ،ْ قوم کو کئی سوالوں کے جوابات کا انتظار ہے ،ْ آصف علی زر داری

پاکستان جس ڈگر پر کھڑا ہے اس کا اندازہ انٹرنیٹ پر بھی ہوسکتا ہے ،ْ سابق صدر کا تقریب سے خطاب

جمعرات 29 جون 2017 19:40

نوشہرو فیروز(اُردو پوائنٹ اخبارتازہ ترین - این این آئی۔ 29 جون2017ء) پاکستان پیپلز پارٹی کے شریک چیئرمین آصف زرداری نے کہاہے کہ وزیر اعظم نواز شریف اور عمران خان کو جمہوریت کی فکر نہیں ،ْ قوم کو کئی سوالوں کے جوابات کا انتظار ہے ،ْ پاکستان جس ڈگر پر کھڑا ہے اس کا اندازہ انٹرنیٹ پر بھی ہوسکتا ہے۔ جمعرات کو عوامی اجتماع سے خطاب کے دوران آصف علی زرداری نے کہا کہ قوم کو کئی سوالوں کے جوابات کا انتظار ہے ،ْ پاکستان جس ڈگر پر کھڑا ہے اس کا اندازہ انٹرنیٹ پر بھی ہوسکتا ہے، ہم ماضی اور آج کے پاکستان کا موازنہ آسانی سے کرسکتے ہیں، آج پاکستان میں عوام کے ساتھ جانوروں جیسا سلوک کیا جارہا ہے۔

ہمارے دور حکومت میں ملک کی برآمدات آج کے مقابلے میں زیادہ تھیں ،ْ ہم نے ذوالفقار بھٹو کے تیار کردہ آئین کو مکمل کیا۔

(جاری ہے)

18ویں آئینی ترمیم کے ذریعے صوبوں کو اختیارات دیے۔ ہم نے پارلیمنٹ کو طاقت دی، اگر ایسا نہ ہوتا تو آج نواز شریف ملک کے صدر ہوتے۔ نواز شریف تو اپنے دور میں پیٹرولیم مصنوعات کی قیمتیں بھی کم نہیں کرسکے۔آصف زرداری نے کہا کہ جمہوریت کی فکر نواز شریف کو ہے اور نا ہی عمران خان کو، اس کی قدر صرف مجھے ہے کیونکہ میں نے جیل کاٹی ہے ،ْ نواز شریف کے خلاف احتساب کی توابھی ابتدا ہے، یہ بھول چکے ہیں کہ وہ بے نظیر بھٹو کو کتنی بار عدالتوں میں گھسیٹا کرتے تھے۔