وزیر اعظم محمد نواز شریف کی عید الفطر کے پرمسرت موقع پر تمام اہلِ اسلام خصوصاً اہل پاکستان کو مبارکباد
ایمان اور احتساب کے ساتھ اِس ماہِ مبارک کے روزے رکھنے اور شب قدر تلاش کرنے والے عیدکی مبارک باد کے زیادہ مستحق ہیں، ملت اسلامیہ کا عالمی تہوار عیدالفطرتمام عالمِ انسانیت کے لیے محبت اور اخوت کا پیغام ہے، عید کا دن اپنے اندر ہمدردی ، ایثار اور درد دِل سمیٹے ہوئے ہے،یہ اللہ تعالیٰ کی نعمتوں کا شکر ادا کرنے کا بھی دن ہے ، دہشت گردی کے خلاف جنگ میں اپنے جوانوں کی قربانیوں کو انشااللہ رائیگاں نہیں جانے دیا جائے گا،ہمیں اس پر مسرت موقع پر مقبوضہ کشمیر کے بھائیوں اور بہنوں کو بھی یاد رکھنا ہے، ہم کشمیریوں کی جرئات اور حوصلے کو خراج ِتحسین پیش کرتے ہیں ، ہم نے اپنی صفوں میں اتحاد پیدا کر ک پاکستان کومسلسل عدم استحکام اور فساد میں مبتلا رکھنے کے خواہاں عناصر کو ناکام بنانا ہے ، وزیر اعظم محمد نواز شریف کا عید الفطر کے پرمسرت موقع پر پیغام
پیر 26 جون 2017 13:30
(جاری ہے)
انہوں نے کہا کہ عیدالفطرمسلمانوں کے لیے اجتماعی خوشی کا دِن ہے۔ یہ ماہِ رمضان کاایک مبار ک دن ہی تھا جب پاکستان معرضِ وجود میں آیا تھا۔
انہوں نے کہا کہ رمضان المبارک ہمارے لیے تحریکِ آزادی کی خوشگوار یادوں سے منور ہوتا ہے۔اِس لیے عیدالفطر کا دِن پاکستان کی ملتِ اسلامیہ کے لیے بطورِ خاص مسرت کے احساس کا بھی حامل ہے۔ وزیر اعظم نے عید الفطر کے موقع پر اپنے خصوصی پیغام میں کہا کہ پاکستان مختلف مذاہب کے ماننے والوں کا ایک گل دستہ ہے۔ہم سب مذہبی تہوار یکساں احترام کے ساتھ مناتے ہیں -جس طرح پاکستانی مسلم اپنے غیر مسلم بھائیوں اور بہنو ں کے مذہبی تہواروں میں شریک ہوتے ہیں، اسی طرح غیر مسلم پاکستانی بھی عید کے موقع پر مسلمانوں کے ساتھ اظہارِ یکجہتی کرتے ہیں۔ انہوں نے امید ظاہر کی کہ آج کے دن بھی بھائی چارے کا یہ جذبہ ہر بستی اور محلے میں دکھائی دے گا۔ انہوں نے کہا کہ موجودہ حکومت کی یہ مخلصانہ کوشش ہے کہ وطن عزیزکو ترقی،امن و سلامتی اور خوشحالی کا ایسا مثالی گہوارہ بنائے جہاں ہر فرد کو برابری کی بنیاد پرمعاشی ترقی کے مواقع دستیاب ہوں اور لوگوں کے فن اور علم کی قدر ہو اور کسی کے ساتھ کوئی نا انصافی نہ ہو۔ انہوں نے کہا کہ یہ سب تب ممکن ہے جب پاکستان میں استحکام ہو۔ سیاسی استحکام کے بغیر معاشی استحکام کا خواب شر مندہ تعبیر نہیں ہو سکتا۔ وزیر اعظم نے کہا کہ آج کے دن ہمیں یہ عہد کرنا ہے کہ ہم نے اپنی صفوں میں اتحاد پیدا کرنا ہے۔ہم نے ا ن عناصر کو ناکام بنانا ہے جو پاکستان کومسلسل عدم استحکام اور فساد میں مبتلا رکھنا چاہتے ہیں۔ہمیں سیاسی و مذہبی انتہا پسندی، دہشت گردی اور فساد کی قوتوں کے خلاف متحد ہونا ہے۔ انہوں نے کہا کہ جمعة الوداع کے مبارک دن جس طرح بے گناہ اور معصوم شہریوں کو لہو میں نہلایاگیا اس نے ہماری عید کی خوشیوں کو ماند کرد یا ہے۔ پارا چنار، کوئٹہ اور کراچی میں عام شہریوں سے لے کر سرکاری اہل کاروں تک بے گناہ پاکستانی جس وحشت اور بربریت کا شکار ہوئے اس پر پوری قوم افسردہ ہے۔ انہوں نے کہا کہ ہم سب متاثرہ خاندانوں کے غم میں پوری طرح شریک ہیں اوران کے ساتھ اظہارِ یک جہتی کرتے ہیں۔ وزیر اعظم نے پاکستانی قوم کی صلاحیتوں اور بصیرت پر بھروسے کا اظہار کرتے ہوئے کہا کہ وہ حوصلے کے ساتھ ان صدموں کو سہہ سکتی ہے۔دکھ کے ان لمحوں میں پوری قوم ،سلامتی کے اداروں کے ساتھ کھڑی ہے اور وطنِ عزیز کو دہشت گردی سے پاک کرنے کی جدو جہد میں ان کی قربانیوں کی معترف ہے۔ وزیر اعظم نے کہا کہ اپنے جوانوں کی ان قربانیوں کو انشااللہ رائیگاں نہیں جانے دیا جائے گا۔ انہوں نیعلما ء کرام سے بھی گزارش کی کہ وہ عید کے خطبات میں امن اور بھائی چارے کا درس دیں اور لوگوں کوان جرائم پیشہ افراد کی حقیقت بتائیں جو بر بریت کے لیے مذہب کا نام استعمال کرتے ہیں۔ انہوں نے کہا کہ علما ء کرام عوام تک اسلام کا حقیقی پیغام پہنچائیں جو محبت اور مثبت اندازِ فکر سے عبارت ہے۔علما ء کرام عوام کو فرقہ واریت اور عدم برداشت پر مبنی رویے کے مضمرات سے آگاہ کریں نیز انہیں تلقین کریں کہ وہ اس پر مسرت موقع پرضرورت مندوں ، محتاجوں، غربا اور مساکین کی مدد کر کے انہیں بھی اپنی خوشیوں میں شریک کریں۔ انہوں نے کہا کہ ہمیں اس پر مسرت موقع پر مقبوضہ کشمیر کے بھائیوں اور بہنوں کو بھی یاد رکھنا ہے جن کے دل اور ہمارے دل ایک ساتھ دھڑکتے ہیں۔ جو سنگینوں کے سائے میں عید منانے پر مجبور ہیں ، جنہیں رمضان المبارک میں کرفیو لگا کر عبادت کے بنیادی حق سے محروم کیا گیا۔ انہوں نے کہا کہ ہم ان کے حوصلے کو خراج ِتحسین پیش کرتے ہوئے دعا کرتے ہیں کہ اللہ تعالیٰ ایسے اسباب پیدا کرے کہ کشمیری بھی آزاد قوم کی طرح عید منا سکیں۔ وزیر اعظم نے کہا کہ مذہبی رسوم کی ادائیگی ہر انسان کا بنیادی حق ہے ا ورکشمیریوں کو اس حق سے محروم کیا جا رہا ہے جس پر اقوامِ متحدہ کوبنیادی حقوق کی ان سنگین خلاف ورزیوں کا نوٹس لینا چاہیے۔ انہوں نے ایک بار پھر پوری قوم کو عید الفطر کی مبارک باد پیش کرتے ہوئے اللہ تعالیٰ سے دعا کی کہ وہ ہمیں اپنی پناہ میں رکھے ، پاکستان کو امن ، ترقی و خوشحالی سے ہمکنار فرمائے اور عید الفطر کے دِن کو پاکستان اور عالم اسلام کے لیے خوشی و مسرت کا دِن بنائے۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.