سپیکر و ڈپٹی سپیکر قومی اسمبلی کا آئل ٹینکر سانحہ پر دلی دکھ اور افسوس کا اظہار

پیر 26 جون 2017 00:10

اسلام آباد ۔ (اُردو پوائنٹ اخبارتازہ ترین - اے پی پی۔ 26 جون2017ء) سپیکر قومی اسمبلی سردار ایاز صادق اور ڈپٹی سپیکر مرتضیٰ جاوید عباسی نے احمد پور شرقیہ بہاولپور میں آئل ٹینکر سانحہ پر دلی دکھ اور افسوس کا اظہار کیا ہے جس کے نتیجے میں متعدد افراد زخمی ہوئے اور قیمتی انسانی جانوں کا نقصان ہوا۔

(جاری ہے)

اپنے تعزیتی پیان میں سپیکر و ڈپٹی سپیکر نے سانحہ میں جاں بحق ہونے والے افراد کے بلند درجات کیلئے دعا کی اور سوگوار خاندانوں کے ساتھ دلی ہمدردی کا اظہار کیا۔ انہوں نے زخمیوں کی جلد صحتیابی کیلئے بھی دعا کی۔ دریںاثناء وزیر مملکت برائے وفاقی تعلیم و پیشہ وارانہ تربیت انجینئر بلیغ الرحمان نے بھی آئل ٹینکر سانحہ میں قیمتی جانوں کے نقصان پر گہرے دکھ اور افسوس کا اظہار کیا۔