․ صحبت پور ،پولیس اور سکیورٹی فورسز کا پنجابی کیمپ کے علاقے میں سرچ آپریشن ،8مشتبہ افراد گرفتار ،اسلحہ اور موٹرسائکلیں برآمد

ہفتہ 24 جون 2017 15:57

صحبت پور(اُردو پوائنٹ اخبارتازہ ترین - این این آئی۔ 24 جون2017ء) صحبت پور پولیس اور سکیورٹی فورسز کا پنجابی کیمپ کے علاقے میں سرچ آپریشن 8مشتبہ افراد گرفتار اسلحہ اور موٹرسائکلیں برآمد تفصیلات کے مطابق ایف سی بلوچستان سبی اسکائوٹ 67ونگ کے کرنل شاہد اور ڈسٹرکٹ پولیس آفیسر غلام حسین باجوئی کی سربراہی میں جرائم پیشہ افراد کیلئے کاروائی پنجابی کیمپ کے علاقے میں مشترکہ سرچ آپریشن 8مشتبہ افراد گرفتار 4شاٹ گن بندوقیں 3عدد موٹرسائیکلیںدوعدد بڑے قینچی (تالہ کٹر) اور ایک نقب زنی آلہ برآمد کرلیاگیا ہے اس موقع پر ڈسٹرکٹ پولیس آفیسر غلام حسین باجوئی نے کہا ہے کہ جرائم پیشہ افراد کا گہرائوں تنگ کرینگے اور کسی کو بھی علاقے کی امن وامان خراب کرنے کی ہرگز اجازت نہیں دینگے قانون ہاتھ میں لینے والوں کیساتھ آہنی ہاتھوں سے نمٹا جائیگا اور علاقے میں امن وامان کی صورتحال کو مزید بہتر بنایا جائے گا۔