ڈیٹا کی عدم دستیابی‘الیکشن میں بائیومیٹرک مشینوں کے استعمال کا منصوبہ دھرے کا دھرا رہ گیا

Mian Nadeem میاں محمد ندیم ہفتہ 24 جون 2017 15:26

ڈیٹا کی عدم دستیابی‘الیکشن میں بائیومیٹرک مشینوں کے استعمال کا منصوبہ ..
کراچی (اردوپوائنٹ اخبارتازہ ترین-انٹرنیشنل پریس ایجنسی۔24 جون ۔2017ء)ضمنی الیکشن میں نادرا سے ڈیٹا نہ ملنے کے باعث بائیومیٹرک مشینوں کے استعمال کا پائلٹ منصوبہ دھرے کا دھرہ رہ گیا۔ الیکشن کمیشن نے سندھ اسمبلی کے حلقے پی ایس 114 میں 9 جولائی کو ہونے والے ضمنی الیکشن میں بائیو میٹرک مشینوں کے استعمال کا اعلان کیا تھا لیکن نادرا سے ڈیٹا نہ ملنے کے باعث بائیو میٹرک مشینوں کے استعمال کا پائلٹ منصوبہ دھرے کا دھرہ رہ گیا۔

(جاری ہے)

بائیو میٹرک مشینوں کا پائلٹ منصوبہ ناکام ہونے کے بعد الیکشن کمیشن نے پی ایس 114 کے ضمنی الیکشن میں 4 ٹیکنالوجیز استعمال کرنے کا فیصلہ کیا ہے، جن میں ایس ایم ایس، آر ایم ایس، جی آئی ایس اور آر ٹی ایس استعمال ہیں۔حکام الیکشن کمیشن کا کہنا ہے کہ حلقہ کے 292875 رجسٹرڈ ووٹرز ایس ایم ایس پر ووٹ کی تفصیلات حاصل کر سکتے ہیں، ووٹرز حلقے کے تمام 92 پولنگ اسٹیشنوں کی تفصیلات گوگل میپ پر دیکھ سکتے ہیں، ریٹرننگ افسر رزلٹ مینجمنٹ سسٹم کے ذریعے انتخابی نتائج مرتب کریں گے جبکہ پریزائیڈنگ افسران موبائل فون کے ذریعے براہ راست نتائج الیکشن کمیشن کو ارسال کریں گے۔