بھارتی لابی کا ورا: پاکستان کی غیر نیٹو اتحادی کی حیثیت کو ختم کرنے کے لیے امریکی کانگریس میں بل پیش کر دیا گیا-
بھارت کے مقابلے پاکستان کا سب سے کمزور دفاع سفارتی محاذ پر ہے- دفتر خارجہ اور مختلف ممالک میں سفیر پیشہ ور سفارت کار نہیں بلکہ سفارشی اور حکومتوں کے پسندیدہ افراد ہوتے ہیں -عالمی امور کے ماہرین کا اظہار خیال
میاں محمد ندیم ہفتہ 24 جون 2017 11:23
(جاری ہے)
امریکی کانگریس میں اگر یہ بل منظور کر لیا جاتا ہے تو اس سے دونوں ممالک کے فوجی روابط کو شدید دھچکا لگے گا مگر اس بل کی منظوری کے امکانات انتہائی کم ہیں کیونکہ امریکی محکمہ دفاع‘سٹیٹ ڈیپارٹمنٹ اور دیگر متعلقہ امریکی ادارے پہلے ہی پاکستانی کی اہمیت پر بیانات دے چکے ہیں۔
تاہم ماہرین اس بل کو واشنگٹن میں پاکستانی سفارت خانے کی ناکامی اور بھارتی سفارت کاری کی کامیابی سے تعبیر کررہے ہیں اور ان کا کہنا ہے کہ پاکستان کا سب سے کمزور دفاع سفارتی محاذ پر ہے کیونکہ دفتر خارجہ اور مختلف ممالک میں سفیر پیشہ ور سفارت کار نہیں بلکہ سفارشی اور حکومتوں کے پسندیدہ افراد ہوتے ہیں -پاکستان کو غیر نیٹو اتحادی کی حیثیت سے بین الاقوامی امداد اور دفاعی تعاون جیسے فوائد حاصل ہوتے ہیں جبکہ اس کے علاوہ غیر نیٹو اتحادی ممالک فوجی سازو سامان کی تیزی سے منتقلی اور ہتھیاروں کی فروخت کے عمل کے اہل ہوتے ہیں۔غیر نیٹو اتحادی حیثیت کا حامل ملک امریکی قرض ضمانتی پروگرام سے بھی مستفید ہو سکتا ہے جس کے مطابق ہتھیاروں کی برآمدات میں نجی بینک بھی قرض دے سکتا ہے۔ایک غیر نیٹو اتحادی ملک امریکی فوجی سامان کا ذخیرہ بھی کر سکتا ہے اور دفاعی ترقیاتی پروگراموں میں بھی حصہ لے سکتا ہے اس کے علاوہ وہ ملک جدید ترین ہتیار بھی خرید سکتا ہے۔ٹیڈ پو کا اس موقع پر کہنا تھا کہ پاکستان کو اپنے ہاتھوں پر لگے مبینہ امریکی خون کا حساب دینا ہوگا۔اٹھارہویں صدی کے امریکی جنرل کا حوالہ دیتے ہوئے انہوں نے کہا کہ اس وقت پاکستان امریکی فوج کا بینیڈکٹ آرنلڈ اتحادی کی طرح کام کر رہا ہے۔ٹیڈ پو اس وقت امریکی خارجہ کمیٹی کے رکن ہیں اور ذیلی کمیٹی برائے دہشت گردی، عدم پھیلاو¿ اور تجارت کے سربراہ کے طور پر کام کر رہے ہیں اور ہمیشہ ہی پاکستان مخالف قرارد کانگریس میں پیش کرنے کے حوالے سے مشہور ہیں۔واشنگٹن میں موجود ماہرین کا کہنا ہے کہ بھارت واشنگٹن میں لابنگ پر خطیر رقم ہی خرچ نہیں کررہا بلکہ ایک مضبوط بھارتی کمیونٹی دفترخارجہ‘وائٹ ہاﺅس اور امریکا کے مختلف فیصلہ سازاداروں میں کام کررہی ہے جبکہ بھارتی سفارت خانہ بھی ہمیشہ متحرک رہتا ہے جبکہ اس کے مقابلے میں پاکستان کا سفارتی محاذانتہائی کمزور ہے اور اہم ممالک میں وزارت خارجہ کے تجربہ کار اور پیشہ ور افسران کو سفیر مقررکرنے کی بجائے ریٹائرڈ فوجی وسول افسران اور برسراقتدار جماعت کے سفارشیوں کو سفیر مقررکیا جاتا ہے-ماہرین کا یہ بھی کہنا ہے کہ پاکستان کو اپنا طرزعمل بدلنا ہوگا اور ایک مکمل پیشہ وروزارت خارجہ اسلام آباد کی اہم ترین ضرورت ہے-واضح رہے کہ برسراقتدار جماعت مسلم لیگ نون چار سالوں میں وزیرخارجہ بھی مقرر نہیں کرپائی اور وزیراعظم وزارت خارجہ کا قلمدان اپنے پاس رکھ کر دوریٹائرڈ ”بزرگان“کے ذریعے وزارت خارجہ کو چلارہے ہیں جن کی ذمہ داری ملک کے دنیا کے ساتھ تعلقات کا جائزہ لینا ہے مگر ان کے آپس کے تعلقات ہمیشہ کشیدہ رہتے ہیں-مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.