ریڈیو پاکستان لاڑکانہ کی جانب سے عید کے موقع پر خصوصی نشریات چلائی جائے گی

جمعہ 23 جون 2017 23:07

لاڑکانہ ۔23جون(اُردو پوائنٹ اخبارتازہ ترین - اے پی پی۔ 23 جون2017ء) ریڈیو پاکستان لاڑکانہ کی جانب سے عید کے موقع پر خصوصی نشریات چلائی جائے گی۔ ریڈیو پاکستان لاڑکانہ کے پروڈیوسر مشتاق تنیو کے مطابق اسٹیشن ڈائریکٹر علی مراد ٹانوری کے ہدایات پر ریڈیو پاکستان لاڑکانہ کے لاکھوں سامعین کے لیے عیدالفطر کے پرمسرت موقع پر خصوصی پروگرامز ریکارڈ کئے گئے ہیں جن میں سینیئر پروڈیوسر عابد عباس کاظمی اور بہادر علی مہر کی جانب سے عید مشاعرہ، سینیئر پروڈیوسر وسند علی مہر اور نادر جونیجو کی جانب سے عید شو، پروڈیوسر مشتاق تنیو کی جانب سے عید کے لیے خاص پروگرام سندھ رنگ اور سدا یاد پون، پروڈیوسر مشہد اوٹھی، الطاف لغاری اور وقار احمد کی جانب سے سامعین کی پسند پر مختلف پروگرام ریکارڈ کروائے گئے ہیں جبکہ نامور مصنف اور ڈرامہ نگار ایوب گاد کا تحریرہ کردہ ڈرامہ بیڑائی پار بھی پیش کیا جائے گا جس کی ڈائریکشن علی مراد ٹانوری نے دی ہے۔

(جاری ہے)