سکھر : ضلع میں بھی بنیادی صحت مراکز کی بجلی کی لوڈشیڈنگ کے مسئلے سے نمٹنے کے لیے شمسی توانائی کے نظام میں تبدیل کرنے کا سلسلہ تیز

جمعہ 23 جون 2017 21:51

سکھر (اُردو پوائنٹ اخبارتازہ ترین - آن لائن۔ 23 جون2017ء) پی پی ایچ آئی سکھر ڈسٹرکٹ مینیجر اعجاز علی پھل کی جانب سے جاری کردہ اعلامیہ کے مطابق سندھ کے دیگر اضلاع کی طرح سکھر ضلع میں بھی بنیادی صحت مراکز کی بجلی کی لوڈشیڈنگ کے مسئلے سے نمٹنے کے لیے شمسی توانائی کے نظام میں تبدیل کرنے کا سلسلہ تیز کیا گیا ہے ۔

(جاری ہے)

اعلامیہ کے مطابق سکھر ضلع میں پہلے مرحلے میں11صحت مراکز میں پی پی ایچ آئی کی جانب سے جرمنی کا جدید سولر سسٹم نصب کیا گیا ہے، جس سے ریفریجریٹر ، الٹرا سائونڈ مشین، لیبارٹری میںاستعمال ہونے والے بجلی کے اآلات، نبیو لائیزر ،11پنکھے او ر 21ایل ای ڈی لائیٹس آسانی سے چلائے جا سکتے ہیں۔

جن بیسک ہیلتھ یونٹس میں سولر سسٹم نصب کیا گیا ہے ان میں ٹنڈو ٹھٹی ،پٹنی آباد ، نصیر آباد ، آرائین ،قاسم پور ، ٹھکراٹو، شمس آباد ، نیو پنڈ، سلطانپور اور فقیر آباد یونٹ شامل ہیں ۔ جبکہ دوسرے مرحلے میں چار مزید بی ایچ یوز میں سولر سسٹم لگوائے جائینگے ، جن میں سمور چاچڑ ،نوراجا ،گگرو اور دارا واہن شامل ہیں۔