پولیس نے تین مختلف کارروائیوں میں ناجائز اسلحہ اور منشیات برآمد کرلیں

جمعہ 23 جون 2017 20:07

چکوال ۔ (اُردو پوائنٹ اخبارتازہ ترین - اے پی پی۔ 23 جون2017ء) کلر کہار اور چوآسیدنشاہ پولیس نے تین مختلف کارروائیوں میں ناجائز اسلحہ اور منشیات برآمد کرلیں، سب انسپکٹر غلام عباس نے گشت کے دوران قصبہ گفانوالہ کے قریب حماد یوسف ولد محمد یوسف کے قبضہ سے پستول اور چار گولیاں برآمد کیں، جبکہ جامع تلاشی کے دوران ملزم کی نشاندہی پر حماد یوسف سے پانچ سو دس گرام چرس گردہ بھی برآمد کرلی، ملزم کے خلاف دو علیحدہ علیحدہ مقدمات درج کرلیے گئے۔

(جاری ہے)

ادھر چوآسیدنشاہ پولیس کے سب انسپکٹر افتخار حسین نے گشت کے دوران اسلام گل ولد حکیم خان ساکن افغانستان حال مقیم چوآسیدنشاہ سے تین سو گرام چرس برآمد کرکے مقدمہ درج کرلیا۔