امریکی فوج نے یمن کے جنوبی صوبے شبوہ میں القاعدہ کے رہنما ابو خطاب العولقی کو ایک فضائی حملے میں ہلاک کرنے کا دعویٰ

جمعہ 23 جون 2017 12:15

واشنگٹن (اُردو پوائنٹ اخبارتازہ ترین - این این آئی۔ 23 جون2017ء) امریکی فوج نے یمن کے جنوبی صوبے شبوہ میں القاعدہ کے رہنما ابو خطاب العولقی کو ایک فضائی حملے میں ہلاک کرنے کا دعویٰ کیا ہے۔عرب ٹی وی کے مطابق امریکی فوج کی مرکزی کمان نے ایک بیان میں اطلاع دی ہے کہ شبوہ میں فضائی حملے میں ابو خطاب العولقی سمیت تین جنگجو مارے گئے ہیں۔

(جاری ہے)

العولقی القاعدہ کا ایک سینئر لیڈر تھا اور وہ شہریوں کے خلاف دہشت گردی کے حملوں کی منصوبہ بندی اور انھیں عملی جامہ پہنانے کا ذمے دار تھا۔

بیان کے مطابق اس کے جزیرہ نما عرب میں القاعدہ کی تنظیم اور ڈھانچے پر نمایاں اثرات تھے اور اس کے گروپ کے دوسرے سینئر لیڈروں سے بھی گہرے مراسم اور روابط استوار تھے۔وہ جنوبی یمن کو عدم استحکام سے دوچار کرنے کی سرگرمیوں کی سازشوں میں ملوث رہا تھا۔