مصر میں ہنگامی حالت میں اضافے کی تجویز منظور

جمعہ 23 جون 2017 09:20

قاہرہ ۔ (اُردو پوائنٹ اخبارتازہ ترین - اے پی پی۔ 23 جون2017ء) مصر کی حکومت نے صدر عبدالفتاح السیسی کی جانب سے ملک میں نافذ ایمرجنسی حالت کو مزید3 ماہ تک برقرار رکھنے کی تجویز منظور کر لی ۔عالمی ذرائع ابلاغ کے مطابق ہنگامی حالت کی منظوری ملکی کابینہ کے اجلاس میں دی گئی ہے۔

(جاری ہے)

مصر میں رواں برس اپریل میں پارلیمنٹ نے دہشت گردانہ حملوں کے تناظر میں کثرت رائے سے ایمرجنسی کے نفاذ کی قرارداد کو منظور کیا تھا۔

ایمرجنسی میں تازہ اضافہ اٴْسی منظور شدہ قرارداد کی روشنی میں کیا گیا ہے۔ ایمرجنسی کے تحت حکومت کو مخالفین اور انتہا پسندوں کے خلاف کریک ڈاؤن کے وسیع اختیارات حاصل ہیں۔ دوسری جانب مصری پولیس نے مسیحیوں کے خلاف پرتشدد کارروائیاں کرنے والے سات افراد کی ہلاکت کا بتایا ہے۔

Facebook Twitter Google + Share on Whatsapp

مصر میں ہنگامی حالت میں اضافے کی تجویز منظور

متعلقہ عنوان :

مزید بین الاقوامی خبریں