دریائے کابل میں نوشہرہ ،دریائے پنجکوڑہ میں دیر ،دریائے سوات میں چکدرہ کے مقام پر نچلے درجہ کا سیلاب،رپورٹفلڈ سیل محکمہ آبپاشی

بدھ 21 جون 2017 22:54

پشاور (اُردو پوائنٹ اخبارتازہ ترین - آئی این پی۔ 21 جون2017ء) فلڈ سیل محکمہ آبپاشی پشاور کی طرف سے بدھ کے روز سہ پہر 4بجے جاری شدہ رو زانہ فلڈ رپورٹ میں بتایا گیا ہے کہ دریائے کابل میں ورسک اور نوشہرہ کے مقامات پر ،دریائے پنجکوڑہ میں دیر کے مقام پر،دریائے سوات میں چکدرہ کے مقام پر اوردریائے شاہ عالم میں تخت آباد کے مقام پر نچلے درجے کا سیلاب ہے۔

(جاری ہے)

ان مقامات پر پانی کا بہائو باالترتیب 50785کیوسک،64900 کیوسک، 12600 کیوسک، 27100کیوسک اور3899کیوسک ریکارڈ کیا گیا جبکہ باقی دریا معمول کے مطابق بہہ رہے ہیں۔