لائسنس ہولڈر میڈیکل سٹور کیلئے موثر طریقہ کار واضع کرنے کی قرار داد پنجاب اسمبلی میں جمع

بدھ 21 جون 2017 14:46

لاہور (اُردو پوائنٹ اخبارتازہ ترین - این این آئی۔ 21 جون2017ء) تحریک انصاف کی رکن پنجاب اسمبلی نبیلہ حاکم علی نے لائسنس ہولڈرمیڈیکل سٹور کیلئے موثر طریقہ کار واضع کرنے کی قرار داد پنجاب اسمبلی میں جمع کرادی جس میں کہا گیا ہے کہ جعلی ادویات بنانے والی فیکٹریوں کے خلاف آپریشن کا پیمانہ صوبائی سطح تک وسیع کیا جائے اور ڈرگ ایکٹ 2017پر عملدرآمد کو یقینی بنایا جائے۔

(جاری ہے)

انہوں نے مزید موقف اختیار کیایہ ایوان حکومت پنجاب سے مطالبہ کرتا ہے کہ صوبے میں پہلے سے موجودجو لائسنس ہولڈر میڈیکل سٹورچل رہے ہیں ان کی تجدید لائسنس کا طریقہ کار واضع کیا جائے اور اس کے ساتھ ہی ڈرگ ایکٹ 2017پر عملدرآمد کویقینی بنایا جائے ۔اس کے علاوہ جو جعلی ادویات بنانے والی فیکٹریاں ہیں ان کے خلاف آپریشن کا پیمانہ صوبائی سطح تک وسیع کیاجائے۔