ایک خطہ، ایک شاہراہ" کے تصور نے دنیا میں دور رس تبدیلیوں کی بنیاد رکھ دی
ہے ،خطے میں نئی اسٹریٹیجک ڈاکٹرائن کے سلسہ میں نیشنل ڈیفنس یونیورسٹی دفاعی تھنک ٹینک کی حیثیت سے اہم کردار ادا کرے گی۔صدر ممنون حسین
بدھ 21 جون 2017 14:32
(جاری ہے)
صدر مملکت نے کہا کہ اکیسویں صدی حیران کن ایجادات اور اسٹریٹیجک تبدیلیوں کی وجہ سے منفردحیثیت رکھتی ہے۔
پاک چین اقتصادی راہداری اور’’ایک پٹی ایک شاہراہ ‘‘ کے تصوّر نے اس دنیا میں دور رس تبدیلیو ں کی بنیاد رکھ دی ہے جن کا دفاعی معاملات سے بھی انتہائی گہرا تعلق ہے، انھوں نے کہا کہ ان منصوبوں پر جیسے جیسے پیش رفت ہوتی جائے گی، خطے کے تزویراتی حقائق میں بھی تبدیلیاں رونما ہوتی جائیں گی۔ اس طرح ایک نئی اسٹریٹیجک ڈاکٹرائن ناگزیر ہو جائے گی۔انہوں نے توقع ظاہر کی کہ نیشنل ڈیفنس یونیورسٹی مستقبل کے اس چیلنج سے بھی بخوبی عہدہ برآء ہو گی۔ انہوں نے کہا کہ گزشتہ تین دہائیوں کے دوران جنم لینے والے انتہا پسندی اور دہشت گردی کے رجحانات نے درپیش چیلنجوں میں مزید اضافہ کر دیا ہے جس سے نمٹنے کے لیے پاکستان کو مسلسل حالتِ جنگ میں رہنا پڑا۔ان مشکل حالات میں پاکستانی قوم اور اس کے ریاستی ادارے اس امتحان سے سرخرو ہوئے ہیں۔ حکومتِ پاکستان اور اس کے اداروں نے نیشنل ایکشن پلان کے تحت انتہا پسندی اور دہشت گردی کے نتیجے میں وجود میں آنے والی مشکل جنگ کا بہادری سے سامنا کیا اور دشمن کے دانت کھٹے کرنے میں کامیاب رہے۔انھوں نے توقع ظاہر کی کہ آپریشن ضربِ عضب اور ردالفساد کے مطلوبہ نتائج بھی بہت جلد حا صل ہوجائیں گے اور وطنِ عزیز امن وامان کا گہوار ہ بن جائے گا۔صدر مملکت نے کہا کہ پاکستان اس عزم کے ساتھ وجود میں آیا تھا کہ وہ اپنے مثبت تعمیر ی کردار سے عالمی وعلاقائی امن و استحکام کے فروغ کا ذریعہ بنے گا اور داخلی سطح پر اپنے شہریوں کو عزت و احترام کے ساتھ تمام ضروریات زندگی کی فراہمی یقینی بنا کردنیا کے سامنے ایک فلاحی ریاست کا بہترین نمونہ پیش کرے گا لیکن قیام پاکستان کے فوراً بعدبدقسمتی سے اس خطے اور خاص طور پر وطنِ عزیز میں بعض ایسے واقعات رونما ہوتے چلے گئے جن کی وجہ سے ہمیں اپنے مقاصد کے حصول میں دشواریوں کا سامنا کرنا پڑا۔ ان مسائل میں جنگیں بھی شامل تھیں اور ان کے نتیجے میں پیدا ہونے والے سیاسی، معاشرتی اور اقتصادی مسائل بھی ،جن سے ہم ابھی تک نبردآزما ہیں۔صدر مملکت نے مزید کہا کہ موجودہ دور میں معیشت اور معاشرت ہی نہیں بلکہ عدل و انصاف سمیت زندگی کے تمام شعبے عسکری معاملات کی طرح برابر کی اہمیت اختیار کر چکے ہیں۔ اس پس منظر میں نیشنل سیکیورٹی اور وار کورس کی اہمیت پہلے سے کہیں بڑھ کرہے۔ انہوں نے وار کورس میں دوست ممالک سے تعلق رکھنے والے سینیئر افسران کی شرکت کا خیر مقدم کرتے ہوئے کہا کہ ان کی آمد سے کورس کی افادیت میں اضافہ ہو گیا ہے کیونکہ اس عہد میں قوموں کے درمیان تعاون ہی بقائے باہمی کی واحد بنیاد ہے۔ انہوں نے کہا کہ دفاعی امور کے مطالعے اور ریاستی اداروں کے مختلف سطحوں کے ذمہ داران کی تربیت اور ان کی صلاحیتوں میں اضافے کے لیے نیشنل ڈیفنس یونیورسٹی نے قابلِ قدر کردار ادا کیا ہے۔انہوں نے توقع ظاہر کی کہ وقت گزرنے کے ساتھ اس قومی ادارے کی کارکردگی میں مزیدبہتری آئے گی اورپاکستان دفاعی معاملات میں نہ صرف وطنِ عزیز بلکہ دوست ممالک کے بھی کام آ سکے گا۔متعلقہ عنوان :
مزید اہم خبریں
-
بھارت کے انتخابات میں ڈیپ فیک کا بڑھتا خطرہ
-
ازبکستان، پاکستان اور سعودی عرب کے مابین شراکت داری کا اہم معاہدہ
-
ملک میں سونا ہزاروں روپے سستا ہوگیا
-
ایرانی صدر کی مزار اقبالؒ پر حاضری ، فاتحہ خوانی کی ،پھولوں کی چادر چڑھائی
-
ایرانی صدر ڈاکٹر ابراہیم رئیسی دورہ پاکستان کے دوسرے مرحلے میں لاہور پہنچ گئے ، دفتر خارجہ
-
بجلی کی اوور بلنگ پر ایف آئی اے اور لیسکو نے معاملات طے کرلیے
-
جب تک ظلم سہتے رہیں گے ظلم جاری رہے گا،علیمہ خان
-
آئی ایم ایف کے ساتھ طویل مدتی پروگرام ضروری ہے ، پاکستان سٹاک مارکیٹ تاریخ کی بلند ترین سطح پر ہے ، زراعت کا شعبہ 5 فیصد کی شرح سے نمو کررہا ہے، وزیرخزانہ کا خطاب
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
وزیر اعظم کاٹیکس کیسز میں دانستہ التوا ء کا نوٹس
-
حکومت بالکل ناکام ہو چکی، ان کو سارے کیسز واپس لینے ہوں گے، شیخ رشید احمد
-
پمز ہسپتال کے ڈاکٹروں نے بشریٰ بی بی کو خوراک میں احتیاط کرنے کا مشورہ دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.