آپریشن ردالفساد کامیابی سے جاری ،سیکیورٹی فورسز کی ٹانک کے قریب کاروائی 2دہشتگرد ہلاک

ْپاکستان رینجرز پنجاب کا سی ٹی ڈ ی پولیس اور انٹیلی جنس اداروں کے ساتھ مل کر منڈی بہائوالدین اور نیلور اسلام آباد کے علاقوں میں سرچ آپریشن ، 7مشتبہ افرادگرفتار، بھاری مقدار میں اسلحہ اور گولہ باردو برآمد ، آئی ایس پی آر

منگل 20 جون 2017 23:32

آپریشن ردالفساد کامیابی سے جاری ،سیکیورٹی فورسز کی ٹانک کے قریب کاروائی ..

راولپنڈی(اُردو پوائنٹ اخبارتازہ ترین - آئی این پی۔ 20 جون2017ء) آپریشن ردالفساد کامیابی سے جاری ، سیکیورٹی فورسز نے ٹانک کے قریب کاروائی کرتے ہوئے 2دہشت گردوں کو ہلاک کردیا۔منگل کو پاک فوج کے شعبہ تعلقات عامہ (آئی ایس پی آر) کے مطابق آپریشن ردالفساد کے تحت سیکیورٹی فورسز کے ساتھ ٹانک میں جھڑپ کے دوران دو دہشت گرد مارے گئے۔

(جاری ہے)

آئی ٰایس پی آر کے مطابق دہشت گرد ٹانک سے 12کلومیٹر دور دیوانہ بابا زیارت کے قریب چیک پوسٹ پر حملے کی کوشش کر رہے تھے۔

اس سے قبل آئی ایس پی آر کی طرف سے جاری ہونے والے ایک اور بیان میں کہا گیا تھا کہ آپریشن ردالفساد کے تحت پاکستان رینجرز پنجاب نے سی ٹی ڈ ی پولیس اور انٹیلی جنس اداروں کے ساتھ مل کر منڈی بہائوالدین اور نیلور اسلام آباد کے علاقوں میں سرچ آپریشن کیا اس دوران 7مشتبہ افراد کو حراست میں لیکر بھاری مقدار میں اسلحہ اور گولہ باردو برآمد کر لیا گیا۔