شوکت ترین کے خلاف رینٹل پاور ریفرنس خارج کی سماعت 12جولائی تک ملتوی کر دی

منگل 20 جون 2017 23:08

اسلام آباد ۔ (اُردو پوائنٹ اخبارتازہ ترین - اے پی پی۔ 20 جون2017ء) اسلام آباد ہائیکورٹ نے سابق وزیر خزانہ شوکت ترین کے خلاف رینٹل پاور ریفرنس خارج کرنے کی درخواست پر سماعت 12جولائی تک ملتوی کر دی ۔

(جاری ہے)

منگل کو اسلام آباد ہائی کورٹ کے جسٹس عامر فاروق کی سربراہی میں دو رکنی بنچ نے سماعت کی، اس موقع پر شوکت ترین کے وکیل سلمان بٹ عدالت میں پیش ہوئے اور موقف اخیتار کیا کہ سابق وزیر خزانہ شوکت ترین نے سب کچھ سابق وزیراعظم کی سمری کے مطابق کیا ہے ۔عدالت نے آئندہ سماعت پر بھی درخواست گزار کے وکیل کو مزید دلائل جاری رکھنے کا حکم دیتے ہوئے سماعت 12جولائی تک ملتوی کر دی ۔