امتحان کے ڈر سے بھاگنے والے علی پور کے طالبعلم کو سی آئی اے سٹاف پولیس نے کوئٹہ سے بازیاب کرالیا

پیر 19 جون 2017 23:30

مظفر گڑھ۔ (اُردو پوائنٹ اخبارتازہ ترین - اے پی پی۔ 19 جون2017ء) مظفرگڑھ کی تحصیل علی پور میں امتحان کے ڈر سے بھاگنے والے علی پور کے طالبعلم کو سی آئی اے سٹاف پولیس نے کوئٹہ سے بازیاب کرالیا۔ دو ماہ قبل ہائر سکینڈری سکول علی پور کا طالب علم محمد یاسر امتحان کے ڈر سے بھاگ کر کوئٹہ پہنچ گیا تھا۔

(جاری ہے)

طالبعلم محمد یاسر کے والد نے تھانہ سٹی علی پور میں اغوا کا مقدمہ درج کرایا تھا۔

ڈی پی او مظفر گڑھ اویس احمد نے طالبعلم کے اغوا پر جے آئی ٹی ٹیم بنا کر طالبعلم کو بازیاب کرانے کا حکم دیا تھاجے آئی ٹی میں ایس پی انویسٹی گیشن، ڈی ایس پی علی پور، ایس ایچ او جتوئی اور سی آئی سٹاف علی پور کے انچارج ایس آئی امتیاز بھٹہ شامل تھے۔ سی آئی اے سٹاف پولیس نے طالبعلم محمد یاسر کو کوئٹہ سے بر آمد کرکے طالبعلم اغوا کیس کو حل کردیا۔