ہم اداروں کا احترام کرتے ہیں، تحریک انصاف اداروں کی تضحیک کرتی ہے، عمران خان بھارتی فرم میں ملازم رہا ہے، وہاں سے پیسے لیتا رہا ہے، وہ انسداد دہشت گردی عدالت کے اشتہاری ہیں، رکن قومی اسمبلی دانیال عزیز

پیر 19 جون 2017 16:04

اسلام آباد ۔ (اُردو پوائنٹ اخبارتازہ ترین - اے پی پی۔ 19 جون2017ء) مسلم لیگ (ن) کے رکن قومی اسمبلی دانیال عزیز نے کہا ہے کہ ہم اداروں کا احترام کرتے ہیں، تحریک انصاف اداروں کی تضحیک کرتی ہے، عمران خان کنگلا تھا ،اسے گھر کیلئے اہلیہ سے قرض لینا پڑا، اس کا ہمیشہ کسی نہ کسی کی جیب میں ہاتھ رہا ہے، عمران خان بھارتی فرم میں ملازم رہا ہے، وہاں سے پیسے لیتا رہا ہے، عمران خان انسداد دہشت گردی عدالت کے اشتہاری ہیں۔

پیر کو الیکشن کمیشن کے باہر میڈیا سے گفتگو کرتے ہوئے دانیال عزیز نے کہا کہ مخالفین نے بلاثبوت توہین عدالت کی درخواست دی، ہم مخالفین کے طرح نہیں، اداروں کی پاسداری کرتے ہیں، تحریک انصاف اداروں کی تضحیک کرتی ہے، عمران خان کے ہر عدالت سے وارنٹ نکلے ہوئے ہیں، عمران خان انسداد دہشت گردی عدالت کے اشتہاری ہیں، تحریک انصاف نے اپنے ہی صوبے میں احتساب کے ادارے کو تالے لگا دیئے ہیں، عمران خان نے 1997ء میں پانچ نشستوں پر شکست کھائی، عمران خان کو تو 1997ء کا ریکارڈ بھی نہیں مل رہا۔

(جاری ہے)

انہوں نے کہا کہ جمہوریت کے ساتھ واردات کا ہمیشہ کیلئے خاتمہ ہونا چاہئے۔ دانیال عزیز نے کہا کہ عمران خان بھارتی فرم میں ملازم رہے ہیں وہاں سے پیسے لیتے رہے ہیں، عمران خان حکومتی خرچ پر نتھیاگلی میں رہ رہے ہیں۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید اہم خبریں