ملک بھر میں فسادیوں کیخلاف آپریشن ردالفساد کامیابی سے جاری ہے

لاہور ، کھاریاں اور سرائے عالمگیر میں مشترکہ سرچ آپریشن ، 20 مشتبہ افراد گرفتار،غیر قانونی اسلحہ برآمد کر لیا،آئی ایس پی آر

پیر 19 جون 2017 15:47

راولپنڈی ۔ (اُردو پوائنٹ اخبارتازہ ترین - اے پی پی۔ 19 جون2017ء) ملک بھر میں فسادیوں کیخلاف آپریشن ردالفساد کامیابی سے جاری ہے ، قانون نافذ کرنے والے اداروں نے لاہور ، کھاریاں اور سرائے عالمگیر میں مشترکہ سرچ آپریشن کے دوران 20 مشتبہ افراد کو گرفتار کر کے غیر قانونی اسلحہ برآمد کر لیا۔

(جاری ہے)

آئی ایس پی آر کے مطابق تازہ کارروائی میں پنجاب رینجرز ، سی ٹی ڈی ، پولیس اور حساس اداروں نے حصہ لیا۔ لاہور کھاریاں اور سرائے عالمگیر سی20مشتبہ افراد کو گرفتار کیا گیا۔ گرفتار افراد کے قبضے سے غیر قانونی اسلحہ ، بارود ، آٹو میٹک گنز ، بلٹ پروف جیکٹس اور درجنوں گولیاں برآمد کی گئیں۔