شام میں شدت پسندوں کے ٹھکانوں پر ایران کے میزائل حملے،متعدد دہشتگرد ہلاک

تہران /دمشق(اُردو پوائنٹ اخبارتازہ ترین - آئی این پی۔ 19 جون2017ء) شام میں شدت پسندوں کے ٹھکانوں پر ایران نے میزائل حملے کیے ہیںجن میں بڑی تعداد میں دہشتگردوں کی ہلاکت کا دعویٰ کیا گیا ہے ۔غیر ملکی میڈیا کے مطابق ایران کے پاسدارانِ انقلاب کا کہنا ہے کہ اس نے گزشتہ روز مشرقی شام میں دہشت گردوں کے ٹھکانوں پر میزائل گرائے، جس کا مقصد اس ماہ کے اوائل میں تہران پر کیے جانے والے حملے کا بدلہ لینا تھا۔

(جاری ہے)

پاسداران کا کہنا ہے کہ صوبہ دیر الزور پر داغے گئے میزائل حملوں میں ''دہشت گردوں کی ایک بڑی تعداد ہلاک ہوئی، جب کہ ان کا اسلحہ تباہ کیا گیا۔اس نے کہا ہے کہ ہدف میں دہشت گردوں کا ہیڈکوارٹر اور کار بم تیار کرنے والی تنصیب شامل ہے۔سات جون کے دہشت گرد حملوں میں 17 افراد ہلاک جب کہ 50 سے زائد زخمی ہوئے تھے، جن میں تہران میں پارلیمان کے احاطے اور مرحوم آیت اللہ خمینی کے مزار کو نشانہ بنایا گیا۔اِن حملوں کی ذمہ داری داعش نے قبول کی ہے۔ لیکن، شیعہ مسلک والے ایران نے تشدد کی اس کارروائی بھڑکانے کا الزام سنی مسلک کے سعودی عرب پر دیا ہے