برطانیہ اور یورپی یونین میں بریگزٹ مذاکرات شروع ہوگئے

پیر 19 جون 2017 12:22

برسلز ۔ (اُردو پوائنٹ اخبارتازہ ترین - اے پی پی۔ 19 جون2017ء) برطانیہ اور یورپی یونین میں باضابطہ بریگزٹ مذاکرات شروع ہوگئے۔برطانیہ کے یورپی یونین سے نکلنے کے لئے برطانوی اور یورپی یونین کے حکام کے درمیان باضاطہ بات چیت برسلز میں شروع ہوگئی ہے ۔

(جاری ہے)

برطانیہ کے وزیر ڈیوڈ ڈیوس اور یورپی یونین کے چیف مذاکرات کار مائیکل بارنیئر یورپی کمیشن میں اپنے وفود کے ساتھ برطانیہ کے یورپی یونین سے نکلنے کے لئے باضابطہ مذاکرات کا آغاز کر دیا ہے۔

مذاکرات شروع کرنے سے قبل ڈیوڈ ڈیوس نے صحافیوں سے بات چیت کرتے ہوئے کہا کہ ہماری منزل واضح ہے تاہم طویل سفر طے کرنا ہو گا۔انھوں نے کہا کہ برطانیہ اور یورپی یونین مے درمیان خصوصی اور گہری شراکت داری ہے اور ان میں ایک ایسا تاریخی معاہدہ ہونے جا رہا ہے جس کی نظیر ماضی میں نہیں ملے گی۔