ا یک طرف دہشتگردوں کی سرپرستی کا الزام ، دوسری طرف دفاعی معاہدے بھی جاری

قطر نے امریکا سے ایف 15 طیاروں کی خریداری کے لیے 12 ارب ڈالر کے معاہدے پر دستخط کردیئے ، قطری وزیر دفاع ْ خریداری کے اس معاہدے سے دونوں ممالک کے درمیان سیکیورٹی تعاون میں اضافہ ہو گا، پینٹاگون

جمعرات 15 جون 2017 14:55

ا یک طرف دہشتگردوں کی سرپرستی کا الزام ، دوسری طرف دفاعی معاہدے بھی ..
دوحا (اُردو پوائنٹ اخبارتازہ ترین - آن لائن۔ 15 جون2017ء) ایک طرف دہشتگردوں کی سرپرستی کا الزام ، دوسری طرف امریکہ کے قطر سے دفاعی معاہدے بھی جاری ،قطر وزیر دفاع کا کہنا ہے کہ قطر نے امریکا سے ایف 15 طیاروں کی خریداری کے لیے 12 ارب ڈالر کے معاہدے پر دستخط کردیئے ہیں۔ امریکی ڈیفنس سیکریٹری جم میٹس اور قطر میں ان کے ذمہ دار گزشتہ روز معاہدے پر دستخط کرنے کے لیے قطر پہنچے تھے۔

ادھر بلوم برگ کی رپورٹ کے مطابق یہ معاہدہ 36 جنگی طیاروں کی خریداری کے لیے کیا گیا ہیں۔پینٹاگون نے ایک جاری بیان میں ایف-15 طیاروں کے حوالے سے قطر کے ساتھ ہونے والے معاہدے کی تصدیق کرتے ہوئے کہا کہ خریداری کے اس معاہدے سے دونوں ممالک کے درمیان سیکیورٹی تعاون میں اضافہ ہو گا۔پینٹاگون کے جاری بیان میں مزید کہا گیا کہ ڈیفنس سیکریٹری جیمس میٹس اور قطر کے وزیر دفاع خالد العطیہ نے اس موقع پر داعش کے خلاف تعاون اور خلیجی ریاستوں کے درمیان شروع ہونے والی حالیہ کشیدگی کے حوالے سے بات چیت بھی کی۔

(جاری ہے)

خیال رہے کہ گذشتہ سال نومبر میں امریکا نے قطر کے ساتھ 72 ایف-15 کیو اے طیاروں کی فروخت کے لیے 21.1 ارب ڈالر کے ممکنہ معاہدے کی منظوری دی تھی۔واضح رہے کہ امریکی صدر ڈونلڈ ٹرمپ نے گذشتہ جمعے کو ایک بیان میں قطر پر دہشت گردوں کو اسپانسر کرنے اور تنازع کے خاتمے کے لیے امریکی اسٹیٹ ڈپارٹمنٹ کی کوششوں میں رکاوٹ ڈالنے کا الزام لگایا تھا۔یاد رہے کہ گذشتہ ہفتے کے آغاز میں سعودی عرب، مصر، بحرین، یمن، متحدہ عرب امارات اور مالدیپ نے قطر پر دہشت گردی کی حمایت کے الزامات عائد کرتے ہوئے سفارتی تعلقات ختم کرنے کا اعلان کردیا تھا۔

اس کے علاوہ لیبیا کی مشرقی حکومت کے وزیر خارجہ محمد دیری نے اپنے ایک بیان میں قطر سے تعلقات کے خاتمے کا اعلان کیا، تاہم انھوں نے فوری طور پر اس اقدام کی کوئی وضاحت نہیں کی تھی۔سعودی عرب سمیت دیگر عرب ممالک کی جانب سے قطر سے سفارتی تعلقات ختم کیے جانے کے بعد پاکستان نے دوحہ سے تعلقات بحال رکھنے کا عندیہ دیا تھا۔

متعلقہ عنوان :