وزیراعظم کے جے آئی ٹی میں پیش ہونا آئین کی بالادستی ، اداروں کو مضبوط بنانے کی جانب احسن اقدام ہے،وفاقی وزیر عبدالقادر بلوچ

بدھ 14 جون 2017 17:51

اسلام آباد ۔ (اُردو پوائنٹ اخبارتازہ ترین - اے پی پی۔ 14 جون2017ء) وفاقی وزیر سرحدی امور و ریاستیں عبدالقادر بلوچ نے کہا ہے کہ وزیراعظم کے جے آئی ٹی میں تحقیقات کیلئے پیش ہونا آئین کی بالادستی اور اداروں کو مضبوط بنانے کی جانب ایک احسن اقدام ہے۔ ان خیالات کا اظہار انہوں نے بدھ کو پارلیمنٹ ہائوس کے باہر میڈیا سے بات چیت کرتے ہوئے کیا۔

(جاری ہے)

عبدالقادر بلوچ نے کہا کہ نواز شریف کے جے آئی ٹی میں پیش ہونے سے حکومتی اداروں کو استحکام ملے گا اور ملک میں قانون کی بالادستی ثابت ہو گی۔

انہوں نے ایک سوال کے جواب میں کہا کہ نواز شریف نے ہمیشہ اداروں کے استحکام اور مضبوط بنانے کی بات کی، اب جے آئی ٹی میں پیش ہو کر وہ عملی طور پر ثابت کریں گے کہ پاکستان مین قانون سب کیلئے برابر ہے اور آئین کی بالادستی سب پر مقدم ہے۔