عمران خان سپریم کورٹ میں آ کر منی ٹریل بتائیں ، نتھیا گلی میں بیٹھ کر ملک کے فیصلے نہیں ہو سکتے ،ْ حنیف عباسی

اسلام آباد (اُردو پوائنٹ اخبارتازہ ترین - این این آئی۔ 13 جون2017ء) پاکستان مسلم لیگ (ن) کے رہنما حنیف عباسی نے کہاہے کہ عمران خان سپریم کورٹ میں آ کر منی ٹریل بتائیں ، نتھیا گلی میں بیٹھ کر ملک کے فیصلے نہیں ہو سکتے میڈیا سے گفتگو کرتے ہوئے لیگی رہنما حنیف عباسی نے کہا کہ جمائما سے منی ٹریل ٹویٹ میں آئی عدالت میں نہیں آئی ، عمران خان نے جمائما کو کال کر کے ٹویٹ کرنے کا کہا ۔

انہوںنے کہاکہ عمران خان کے وکیل ججز کے سامنے اسی ضد پر اڑے ہوئے تھے کہ ہم تلاشی نہیں دیں گے،ہمارے اکائونٹس الیکشن کمیشن،ہائی کورٹ اور سپریم کورٹ تینوں نہیں چیک کروا سکتے ہیں۔انہوں نے کہا کہ ان پر کوجو مقدمات دائر ہیں ان میں کسی ایک بھی مقدمے کا جواب دینے سے قاصر ہیں،انہوں نے کہا جمائمہ کی جانب سے آنے والی منی ٹریل عدالت میں نہیں پہنچی،انہوں نے صرف نے عمران خان کے کہنے پر ٹوئیٹ کیا تھا کہ منی ٹریل ان کی جانب سے عمران خان کو فراہم کی گئی ہے تاکہ عوام کو گمراہ کر سکیں،انہوں نے کہا انہوں نے کہا کہ انہوں نے اپنی 35 سالہ سیاست میں عمران خان جیسا جھوٹا اور بدکردار شخص نہیں دیکھا۔

(جاری ہے)

انہوں نے کہا عمران خان کو فارن فنڈنگ،آف شور کمپنیوں جن میں ان کی بہنوں اور دوستوں کا نام ہے،بنی گالہ سمیت تمام مقدمات کا جواب دینا ہوگا۔ان سے بھی احتساب ہو گا جس کے لئے وہ تیار ہو جائیں۔