وزیر ِ اعظم کا جے آئی ٹی میں پیش ہونا تاریخی فیصلہ ہے،محسن شاہ نواز رانجھاء

منگل 13 جون 2017 16:34

سرگودھا۔ (اُردو پوائنٹ اخبارتازہ ترین - اے پی پی۔ 13 جون2017ء)وفاقی پارلیمانی سیکرٹری اطلاعات ونشریات بیرسٹر محسن شاہنواز رانجھاء نے کہا ہے کہ وزیر اعظم نے خود کو احتساب کے کٹہرے میں لاکر پاکستان میں ایک نئی تاریخ رقم کر دی ہے ،جے آئی ٹی پر تمام تر تحفظات کے باوجود شریف فیملی نے خو د کو احتساب کے لیے پیش کیا ہے اور وزیر اعظم نے قانون کی پاسداری کا اعلیٰ نمونہ پیش کرکے اپوزیشن کے غبارے سے ہوا نکال دی ہے، مسلم لیگ (ن) کے وفد سے ملاقات کرتے ہوئے انہوں نے کہا کہ شریف فیملی اپنی تین نسلوں کا حساب دے رہی ہے۔

(جاری ہے)

موجودہ دور میں جتنا کڑا احتساب شریف فیملی کا ہو رہا ہے دنیامیں کسی اور جگہ اس کی مثال نہیں ملتی ۔ انہوں نے مزید کہا کہ وزیر ِ اعظم کا استثنیٰ کے باوجو د جے آئی ٹی کے سامنے پیش ہونے کا فیصلہ تاریخ ساز فیصلہ ہے اور انشاء اللہ شریف فیملی جے آئی ٹی میںسرخرو ہوگی اور ملکی ترقی کا سفر جاری رہے گا،اس موقع پراحسان اللہ تھیم ، آصف شہزاد ، ذوالفقار مارتھ، حافظ عثمان اور دیگر بھی موجود تھے ۔

Facebook Twitter Google + Share on Whatsapp

وزیر ِ اعظم کا جے آئی ٹی میں پیش ہونا تاریخی فیصلہ ہے،محسن شاہ نواز رانجھاء

مزید قومی خبریں