سی پیک خطے کے لئے انتہائی اہم ہے، کئی منصوبے اس سال مکمل ہورہے ہیں،ساہیوال کول پاور پلانٹ منصوبے سے 1330 میگا واٹ بجلی کی پیداوار شروع ہوچکی ہے،سی پیک کے تحت شاہراہوں کے منصوبوں پر تسلی بخش انداز میں کام جاری ہے۔ٹرانسپورٹ انفراسٹرکچر منصوبوں کی تکمیل سے نہ صرف پاکستان بلکہ پورے خطے میں ترقی کی نئی راہیں کھلیں گی ، اقتصادی راہداری کے تحت ریلوے اپ گریڈیشن کا منصوبہ ملک میں جدید سفری سہولیات کو فروغ دے گا، گوادر ماسٹر پلان منصوبے کی تکمیل سے یہ شہر دنیا کے جدید شہر کے طور پر ابھر کر سامنے آئے گا،سی پیک منصوبوں پر کام کرنے والے چینی کارکنوں کی سیکیورٹی میں کوئی دقیقہ فروگزاشت نہیں کیاجائے گا

اسلام آ باد (اُردو پوائنٹ اخبارتازہ ترین - آئی این پی۔ 12 جون2017ء) وفاقی وزیر برائے منصوبہ بندی وترقی و اصلاحات احسن اقبال نے کہاہے کہ سی پیک خطے کے لئے انتہائی اہم ہے، کئی منصوبے اس سال مکمل ہورہے ہیں،ساہیوال کول پاور پلانٹ منصوبے سے 1330 میگا واٹ بجلی کی پیداوار شروع ہوچکی ہے،سی پیک کے تحت شاہراہوں کے منصوبوں پر تسلی بخش انداز میں کام جاری ہے۔

ٹرانسپورٹ انفراسٹرکچر منصوبوں کی تکمیل سے نہ صرف پاکستان بلکہ پورے خطے میں ترقی کی نئی راہیں کھلیں گی۔سی پیک کے تحت ریلوے اپ گریڈیشن کا منصوبہ ملک میں جدید سفری سہولیات کو فروغ دے گا،۔گوادر ماسٹر پلان منصوبے کی تکمیل سے یہ شہر دنیا کے جدید شہر کے طور پر ابھر کر سامنے آئے گا،سی پیک منصوبوں پر کام کرنے والے چینی ورکرز کی سیکیورٹی میں کوئی دقیقہ فروگزاشت نہیں کیاجائے گا۔

(جاری ہے)

پیر کو وفاقی وزیر برائے منصوبہ بندی وترقی و اصلاحات احسن اقبال کی صدارت میں سی پیک منصوبوں پر پیش رفت کے حوالے سے اجلاس ہوا۔اجلاس میں وفاقی وزارتوں اور صوبائی حکومتوں کے اعلیٰ حکام نے شرکت کی۔وفاقی وزیر احسن اقبا ل کا سی پیک منصوبوں پر ہونے والی پیش رفت پر اطمینان کا اظہار کیا۔ وفاقی وزیر برائے منصوبہ بندی وترقی و اصلاحات احسن اقبال نے کہاکہ سال 2017سی پیک کے لئے انتہائی اہم ہے، کئی منصوبے اس سال مکمل ہورہے ہیں۔

ساہیوال کول پاور پلانٹ مکمل ہوگیا ہے، اس منصوبے سے 1330 میگا واٹ بجلی کی پیداوار شروع ہوچکی ہے۔ساہیوال و بجلی کے دیگر منصوبوں سے پیدا ہونے والی بجلی کی مدد سے لوڈشیڈنگ پر قابوپانے میں مدد ملے گی۔سی پیک کے تحت شاہراہوں کے منصوبوں پر تسلی بخش انداز میں کام جاری ہے۔ٹرانسپورٹ انفراسٹرکچر منصوبوں کی تکمیل سے نہ صرف پاکستان بلکہ پورے خطے میں ترقی کی نئی راہیں کھلیں گی۔

سی پیک کے تحت ریلوے اپ گریڈیشن کا منصوبہ ملک میں جدید سفری سہولیات کو فروغ دے گا۔ملک کی بڑی انجینئرنگ یونیورسٹییاں ریل کے اس منصوبے سے استفادیکیلئے فوری اقدامات کریں۔اساتذہ، ریسرچر زاور طلبہ ریلویکے اس بڑے منصوبے سے علم و تجربے کا حصول ممکن بنائیں۔ہائیر ایجوکیشن کمیشن جامعات کیساتھ مل کر فوری طور پر ٹرانسپورٹ انجنئیرنگ کے شعبے میں ڈگری پروگرامزمتعارف کرائیں۔

چینی یونیورسٹیوں کیساتھ الحاق کرکے ٹرانسپورٹ انجینئرنگ کے شعبے میں جدت کیلئے اقدامات کی جائے۔گوادر میں انٹرنیشنل ائرپورٹ، ایسٹ بے ایکسپریس وے اور آبنوشی کے منصوبے پر کام فاسٹ ٹریک کیا جائے۔گوادر ماسٹر پلان منصوبے کی تکمیل سے یہ شہر دنیا کے جدید شہر کے طور پر ابھر کر سامنے آئے گا۔گوادر ہسپتال منصوبے کی تکمیل سے اس شہر کے عوام کو صحت کی جدید سہولیات میسر آئیں گی۔پاکستان میں کام کرنے والے چینی شہری ہمارے قومی مہمان ہیں جوملکی ترقی کیلئے ہماری مدد میں مصروف ہیں۔پوری قوم چینی شہریوں کی حفاظت اپنا قومی فریضہ سمجھتی ہے۔سی پیک منصوبوں پر کام کرنے والے ورکرز کی سیکیورٹی میں کوئی دقیقہ فروگزاشت نہیں کیاجائے گا۔(و خ )