ٹرمپ انتظامیہ کا صومالیہ میں پہلا ڈرون حملہ،آٹھ عسکریت پسند ہلاک

امریکی ائیرفورس نے صومالیہ کی فوج پر حملوں کے جواب میں یہ کارروائی کی، پنٹاگون کابیان

پیر 12 جون 2017 14:57

ٹرمپ انتظامیہ کا صومالیہ میں پہلا ڈرون حملہ،آٹھ عسکریت پسند ہلاک
موغا دیشو(اُردو پوائنٹ اخبارتازہ ترین - این این آئی۔ 12 جون2017ء) افریقی ملک صومالیہ میں امریکی فضائی حملے میں 8 عسکریت پسند ہلاک ہوگئے۔الشباب کے خلاف فضائی کاررروائی صومالی فوج پر حملوں کے جواب میں کی گئی اور اس میں سرکاری فوج کا مکمل تعاون شامل تھا۔

(جاری ہے)

غیر ملکی خبر ایجنسی کے مطابق امریکی محکمہ دفاع پنٹاگون نے اپنے بیان میں کہا کہ صومالیہ کے دارالحکومت موغادیشو سے 185 کلو میٹر دور عسکریت پسند گروپ الشباب کے کمانڈ اینڈ لاجسٹک کیمپ کو نشانہ بنایا گیا ، کارروائی میں کیمپ تباہ جب کہ کم از کم 8 عسکریت پسند ہلاک ہوگئے۔

پینٹاگون نے کہا کہ الشباب کے خلاف فضائی کاررروائی صومالی فوج پر حملوں کے جواب میں کی گئی اور اس میں سرکاری فوج کا مکمل تعاون شامل تھا۔ دوسری جانب ڈونلڈ ٹرمپ کی جانب سے صدارت سنبھالے جانے کے بعد صومالیہ میں پہلی امریکی کارروائی ہے۔