عمرہ کی سعادت کیلئے جانیوالے بہن بھائیوں کی ذہانت کام کرگئی

دوست کیلئے چیزیں دینے والا مشکوک ملزم اور1کلو شیشہ پائوڈر سے بھرا بیگ پولیس کے حوالہ کردیاگیا

ہفتہ 10 جون 2017 22:18

شیخوپورہ(اُردو پوائنٹ اخبارتازہ ترین - آئی این پی۔ 10 جون2017ء) عمرہ کی سعادت کے لیے جانے والے بہن بھائیوں کی ذہانت کام کرگئی، دوست کو چیزیں دینے والا ملزم اورمشکوک بیگ تھانہ بھکھی پولیس کے حوالہ کردیاگیا،بتایا گیا ہے کہ مختا ر احمد ولد بشیر احمد اپنی بہن یاسمین کوثر کے ہمراہ چند دنوں بعد عمرہ کی ادائیگی کے لیے جانے کی تیاریاں کررہے تھے کہ اسی دوران محمد عمران ولد رحمت سکنہ کوٹ کرم دین ضلع ننکانہ صاحب جس نے دونوں بہن بھائیوں کے ویزئے کا بندوبست کروایا تھا ان کے گھر ڈیرہ گلاب سنگھ میں آیا اور کہ کہ سعودی عرب پہنچنے پر ایک بندہ آئے گا اس کو یہ بیگ دے دیجئے گا شک پڑنے پر مختار احمد نے بیگ کھول کر چیک کیاتوا س میں تقریبا ایک کلو شیشہ پاوڈر تھا جس کو دیکھتے ہی مختار احمد نے تھانہ بھکھی پولیس کو اطلاع کردی واقعہ کی اطلاع ملتے ہی ایس ایچ او تھانہ بھکھی پولیس کی بھاری نفری کے ہمراہ ڈیرہ گلاب سنگھ پہنچ گئے جنہوں نی1کلو شیشہ پاوڈر بیگ کو تحویل میں لیتے ہوئے ملزم محمد عمران کوحراست میں لے کر اسکے خلاف کاروائی شروع کردی ہے ۔