حکومت نے پاکستان کی70سالہ تاریخ میں شفافیت ،معیار اور رفتار کے نئے ریکارڈقائم کیے ہیں: شوکت عزیز بھٹی

ہفتہ 10 جون 2017 21:09

لاہور (اُردو پوائنٹ اخبارتازہ ترین - آن لائن۔ 10 جون2017ء) مسلم لیگ ن کے رکن پنجاب اسمبلی راجہ شوکت عزیز بھٹی نے کہا ہے کہ ماضی کی حکومتوں نے منصوبوں کے قبرستان بنائے ۔قومی وسائل کو بے دردی سے لوٹاگیااورکئی منصوبے کرپشن اور ہوس کی نذرکردیئے گئے۔سابق ادوار لوٹ مار،مجرمانہ غفلت اور کرپشن سے لتھڑے ہوئے تھے جبکہ مسلم لیگ(ن) کی حکومت نے شفافیت،رفتار اورمعیار کے روشن مینار تعمیر کیے ہیںاورہمارے منصوبے شفافیت کی خود گواہی دیتے ہیں۔

اوروزیراعظم محمد نوازشریف کی قیادت میں مسلم لیگ(ن) کی حکومت نے پاکستان کی70سالہ تاریخ میں شفافیت ،معیار اور رفتار کے نئے ریکارڈقائم کیے ہیں اورہمارے منصوبوںکی شفافیت پر مخالفین بھی انگلی نہیں اٹھا سکتے۔انہوں نے کہا کہ 3600میگاواٹ کے گیس پاور پراجیکٹس بھی ریکارڈ مدت میں مکمل کیے جارہے ہیں۔

(جاری ہے)

بھکھی گیس پاور پراجیکٹ سے 717میگاواٹ بجلی حاصل کی جارہی ہے اور یہ منصوبہ بھی ریکارڈ مدت میں مکمل کیاگیاجبکہ دیگر گیس پاور منصوبے بھی مقررہ مدت سے قبل مکمل ہوںگے اوران گیس پاورمنصوبوں میں 112ارب روپے کی حقیقی بچت کی گئی ہے ۔

قائداعظم سولر پارک بہاولپورمیں 400میگاوا ٹ شمسی توانائی پیدا کی جارہی ہے جبکہ شمسی توانائی کی300میگاواٹ کے منصوبوں پر کام جاری ہے اوریہ منصوبے بھی اس سال کے آخر میں بجلی کی پیداوار شروع کردیں گی