ڈاکٹر عاصم کو گرفتار کیا جائے

ڈاکٹر عاصم کی ضمانت خارج کرنے کیلئے سپریم کورٹ میں درخواست دائر ڈاکٹر عاصم پر اربوں کی کرپشن کے سنگین الزامات ہیں،سندھ ہائی کورٹ کے ریفرجج کا فیصلہ قانون اور حقائق کے برعکس ہے ،نیب کا درخواست میں موقف

ہفتہ 10 جون 2017 20:25

اسلام آباد(اُردو پوائنٹ اخبارتازہ ترین - آن لائن۔ 10 جون2017ء) نیب نے ڈاکٹر عاصم کی ضمانت خارج کرانے کیلئے سپریم کورٹ میں اپیل دائر کر دی ہے جس میں موقف اختیار کیا گیا ہے کہ ڈاکٹر عاصم پر غیرقانونی الاٹمنٹ، منی لانڈرنگ، اختیارات کے غلط استعمال، ریاست کی زمین پر قبضے جیسے سنگین الزامات ہیں ، ڈاکٹر عاصم نے بطور وزیر اختیارات کا غلط استعمال کر کے گیس بحران ظاہر کیا، جس سے مارکیٹ میں یوریا کھاد شارٹ فال ہونے سے 450 ارب روپے کا نقصان ہوا، نیب کی جانب ہفتہ کو دائر کی گئی درخواست میں مزید موقف اختیار کیا گیا ہے کہ منی لانڈرنگ کے ذریعے تین ارب، نام نہاد ٹرسٹ کے ذریعے ساڑھے 9 ارب روپے کی جائیدادیں بنائی گئیں، ڈاکٹر عاصم نے پاکستان میں اور بیرون ملک ناجائز اثاثے بنائے،انکے کیخلاف ریفرنس میں لگے الزامات کے شواہد موجود ہیں، سندھ ہائیکورٹ کے ریفری جج کا فیصلہ قانون اور حقائق کے برعکس ہے، ڈاکٹر عاصم نے ضمانت حاصل کرنے کیلئے جعلی میڈیکل رپورٹس بنوائیں، درخواست میں عدالت سے استدعا کی گئی ہے کہ ڈاکٹر عاصم حسین کی ضمانت خارج کی جائے۔

Facebook Twitter Google + Share on Whatsapp

ڈاکٹر عاصم کو گرفتار کیا جائے

متعلقہ عنوان :

مزید اہم خبریں