سینٹ قائمہ کمیٹی اور چیئرمین ایف بی آر کی یقین دہانی کے باوجود چھاپے جاری ،
لاہور چیمبر کا شدید احتجاج تمام بوجھ موجودہ ٹیکس گزاروں پر منتقل ہورہا ہے، صنعتکاروں ،تاجروں کے مفادات کا ہر قیمت پر تحفظ کیا جائیگا‘ امجد علی جاوا، ناصر حمید خان چھاپے نہ رکے تو ایف بی آر کے تمام دفاتر کے سامنے مظاہرے، کاروبار بند کرکے سڑکوں پر احتجاج کریں گے‘ تاجروں کی اجلاس میں گفتگو
ہفتہ 10 جون 2017 15:39
(جاری ہے)
اجلاس کے شرکا نے کہا کہ سینٹ کی سٹینڈنگ کمیٹی برائے فنانس چیئرمین ایف بی آر کی اجازت کے بغیر چھاپے نہ مارنے کے احکامات دے چکی ہے جبکہ چیئرمین ایف بی آر نے لاہور چیمبر کے دورہ کے موقع پر چھاپے نہ مارنے کا واضح اعلان کیا تھا لیکن ان کے احکامات کی دھجیاں اڑا دی گئی ہیں، نئے ٹیکس دہندگان تلاش کرنے کے بجائے موجودہ ٹیکس دہندگان کو بری طرح تنگ کیا جارہا ہے جو قابل برداشت نہیں، اگر چھاپے فوری طور پر نہ روکے گئے تو ایف بی آر ہیڈ آفس کے سامنے مظاہرہ کیا جائے گا۔
انہوں نے کہا کہ ایف بی آر ااہلکار اپنے صوابدیدی اختیارات کا انتہائی غلط استعمال کرتے ہوئے صنعتکاروں و تاجروں کو ناجائز مطالبات ماننے پر مجبور اور بصورت دیگر ان کا بدترین استحصال کررہے ہیں ۔انہوں نے کہا کہ کسی کمپنی کو ساکھ بنانے میں دہائیاں لگتی ہیں مگر ایف بی آر کے چھاپے ایک ہی دن میں ساری ساکھ مٹی میں ملادیتے ہیں ، ایسے اقدامات جس کی وجہ سے برآمدات پر بھی منفی اثرات مرتب کررہے ہیں۔ اجلاس کے شرکا نے کہا کہ ساری دنیا میں بلاواسطہ ٹیکسوں میں بتدریج کمی ہورہی ہے جبکہ پاکستان میں ساٹھ فیصد سے زیادہ ریونیو ان ہی سے اکٹھا کیا جارہا ہے حالانکہ ان کی وصولی پر ہونے والے اخراجات وصولیوں سے زیادہ ہیں۔ انہوں نے کہا کہ 2012-13 سے لیکر 2015-16 کے دوران محصولات کی وصولیوں میں تقریبا ساٹھ فیصد ضافہ ہوا لیکن اس عرصہ میں ٹیکس فائلر ز کی تعداد چودہ لاکھ سے کم ہوکر صرف نو لاکھ رہ گئی جو اس بات کا ثبوت ہے کہ ایف بی آر عملے کے صوابدیدی اختیارات کی وجہ سے پرانے ٹیکس دہندگان ٹیکس نیٹ سے باہر ہوتے جارہے ہیں اور تمام بوجھ موجودہ ٹیکس گزاروں پر منتقل ہورہا ہے، اگر یہی صورتحال رہی تو ایک خاص سطح پر آکر موجودہ ٹیکس نظام بالکل تباہ ہوجائے گا ۔ اجلاس کے شرکا نے مطالبہ کیا کہ وفاقی وزیر خزانہ اسحاق ڈار ایف بی آر عملے کی جانب سے تاجروں کو بری طرح پریشان کرنے کے معاملے کا نوٹس لیتے ہوئے ایف بی آر حکام کو کاروباری مقامات پر چھاپے نہ مارنے کی ہدایت کریں۔ انہوں نے کہا کہ موجودہ ٹیکس دہندگان کو نچوڑنے کے بجائے ایف بی آر اپنے پاس موجود فہرستوں کے مطابق آمدن رکھنے والے افراد کو ٹیکس نیٹ میں لائے۔تاجر رہنمائوں نے الٹی میٹم دیتے ہوئے کہا کہ اگر پانچ روز میں معاملات حل نہ کیے گئے تو احتجاج کا دائرہ کار بڑھا دیا جائے گا۔ اجلاس میں میاں نعمان کبیر، سید محمود غزنوی، کاشف انور، شفقت سعید پراچہ، ذیشان خلیل، میاں عبدالرزاق، معظم رشید، عدنان خالد بٹ، رضوان اختر شمسی،ابراہیم قریشی، سید مختار علی، زاہد مقصود بٹ، میاں محمد نواز، طاہر منظور چودھری، چودھری خادم حسین، شہزاد اعظم خان، میاں شہریار علی، محمد شہزاد، خواجہ خاور رشید، وقار احمد میاں، ظفر محمودبھی موجود تھے۔مزید تجارتی خبریں
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
-
پاکستان سٹاک ایکسچینج میں تیزی،71 ہزار751پوائنٹ کی نفسیاتی حد عبور کرگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.