چترال ،ْ مبینہ پولیس تشدد سے ایک شخص ہلاک

منگل 6 جون 2017 22:48

چترال (اُردو پوائنٹ اخبارتازہ ترین - این این آئی۔ 06 جون2017ء) چترال میں مقامی مسجد کے باہر مبینہ طور پر پولیس اہلکار کے تشدد سے ایک نامعلوم شخص ہلاک ہوگیا۔اطلاعات کے مطابق ایک نامعلوم شخص مسجد میں داخل ہورہا تھا کہ وہاں موجود ایک پولیس افسر نے اس سے اپنی شناخت ظاہر کرنے کا کہا تاہم اس شخص نے پولیس اہلکار کو نظر انداز کیا کیوں کہ اسے نماز میں تاخیر ہورہی تھی۔

(جاری ہے)

جب وہ نماز پڑھ کر واپس آیا تو شناختی دستاویز کے معاملے پر اس کی پولیس اہلکار سے تکرار ہوگئی اور اس دوران مبینہ طور پر پولیس اہلکار نے اس کے چہرے پر وار کیا جس کے نتیجے میں اس کے ناک سے خون بہنے لگا۔موقع پر موجود لوگوں نے فوری طور پر اس شخص کو قریبی ہسپتال منتقل کیا جہاں پہنچنے پر ڈاکٹرز نے اسے مردہ قرار دیدیا۔پولیس ذرائع کے مطابق متاثرہ شخص علاقے کا رہائشی نہیں تھا اور جب کسی کی جانب سے اس کی لاش کی حوالگی کا تقاضہ نہ کیا گیا تو اسے مقامی قبرستان میں دفن کردیا گیا۔پولیس کا دعویٰ ہے کہ وہ اس معاملے کی تحقیقات کررہی ہے تاہم اب تک واقعے کی ایف آئی آر درج نہیں کی گئی ہے۔

Facebook Twitter Google + Share on Whatsapp

چترال ،ْ مبینہ پولیس تشدد سے ایک شخص ہلاک

متعلقہ عنوان :

مزید قومی خبریں