شمالی وزیرستان میں ضرب عضب کے بعد پہلا نادرا آفس کھول دیا گیا

ْعید کے بعد رزمک اور دتہ خیل میں بھی نادرا آفس کا افتتاح کیا جائے گا ،ْ ایم این محمد نذیر

منگل 6 جون 2017 17:49

شمالی وزیرستان میں ضرب عضب کے بعد پہلا نادرا آفس کھول دیا گیا

شمالی وزیرستان (اُردو پوائنٹ اخبارتازہ ترین - این این آئی۔ 06 جون2017ء) شمالی وزیرستان میں فوجی آپریشن ضرب عضب کے بعد پہلا نادرا آفس تحصیل شیواہ میں کھول دیا گیا۔میڈیا رپورٹ کے مطابق شمالی وزیرستان سے قومی اسمبلی کے منتخب رکن محمد نذیر اور اسسٹنٹ پولیٹیکل ایجنٹ (اے پی ای) میر علی محمد عرفان الدین نے اس موقع پر نادرا آفس کا افتتاح کیا۔

(جاری ہے)

ایم این اے محمد نذیر نے کہا کہ نادرا آفس شیواہ کے عوام کا دیرینہ مطالبہ تھا جو بالآخر پورا ہوا۔انھوں نے بتایا کہ عید کے بعد رزمک اور دتہ خیل میں بھی نادرا آفس کا افتتاح کیا جائے گا۔اس موقع پر اے پی اے محمد عرفان الدین نے کہا کہ نادرا آفس کے قیام سے تحصیل شیواہ اور سپین وام کے عوام کو گھر کی دہلیز پر شناختی کارڈ بنانے کی سہولت حاصل ہوگی۔