نہال ہاشمی کے جوش خطابت پر وزیر اعظم نے انکی سیاست کا قتل کیا، سب کو تعریف کر نی چاہیے ‘رانا ثناء اللہ

لاہور(اُردو پوائنٹ اخبارتازہ ترین - آئی این پی۔ 02 جون2017ء) صوبائی وزیر قانون رانا ثناء اللہ خان نے کہا ہے کہ نہال ہاشمی کے جوش خطابت پر وزیر اعظم نوازشر یف نے انکی سیاست کا قتل کر دیا ہے اور اس تاریخ سازاقدام پر سپر یم کورٹ سمیت ہر فورم پر ا س اقدام کی تعریف ہونی چاہیے کیونکہ وزیر اعظم کا اقدام بھی سپر یم کورٹ اور دیگر اداروں کی عزت کا تحفظ یقینی بنانے کیلئے ہے تاکہ آئندہ کوئی سیاسی کارکن ایسی باتیں کر نے کی جرات نہ کر سکیں ‘ چوہدری پرویز الٰہی حسد اور تعصب میں ڈوبا ہوا ہے ‘(ق) لیگ پنجاب اقتدار کو صرف خواب دیکھ سکتے ہیں انکی اپنی سیاست ختم ہو چکی ہے وہ دوسروں کی سیاست کو گندہ کر نا چاہتے ہیں ‘پنجاب میں اپوزیشن کا کام صرف کورام کی نشاندہی کر نا ہے اسکے علاوہ انکو کوئی کام نہیں آتا ‘اپوزیشن خود عوامی ایشوز پر بحث کیلئے وقت کا مطالبہ کرتی ہے مگر بعدمیںیہ بھاگ نہیں جاتے ‘اپوزیشن وزیر اعلی کو تر قیاتی تجاوزت دینے کیلئے ہی تیار نہیں تو انکی منظور ی کیسے ہوسکتی ہے تحر یک انصاف کے اراکین وزیراعلی سے تر قیاتی منصوبوں کیلئے اس نہیں ملتے وہ کہتے ہیں اگر وزیر اعلی سے ملیں گے تو عمران خان جوتیاں ماریں گے ۔

(جاری ہے)

پنجاب اسمبلی کے بجٹ اجلاس کے موقع پرمیڈیا سے گفتگو کرتے ہوئے رانا ثناء اللہ خان نے کہا کہ نہال ہاشمی کے جوش خطابات کے جرم پر حکومت نے ان کا سیاسی قتل کرد یا ہے اب اس پر بات نہیں ہو نی چاہیے کیونکہ ان کی باتوں میں جوش کے علاوہ کچھ نہیں تھا اسکے علاوہ اسکے آگے پیچھے کچھ نہیں تھا اور وزیر اعظم نوازشر یف نے سپر یم کورٹ سمیت دیگر اداروں کو عزت بخشی ہے اس لیے سب کو وزیر اعظم کے اس اقدام کی تعریف کر نی چاہیے اور اگر سپر یم کورٹ بھی اس کی تعریف کر تا تواس سے سپر یم کورٹ عزت میں بھی اضافہ ہوتا ۔

انہوں نے کہا کہ چوہدری پرویز الٰہی کی سیاست ختم ہو چکی ہے اور عوام نے اپنی ووٹ کی طاقت سے انکو جو حشر کیا ہے وہ پوری قوم کے سامنے ہیں اور وہ اب کبھی اقتدار میں نہیں آسکتے اور جس منصوبے سے روزانہ لاکھوں لوگ فائدہ حاصل کر رہے ہیں وہ اس منصوبے کو جنگلہ بس کہتے ہیں ۔ انہوں نے کہا کہ پنجاب میں تاریخ کا سب سے بڑا بجٹ پیش کیا گیا ہے جس میں صحت تعلیم اور پانی کے پینے کی فراہمی سمیت دیگر منصوبوںکو اولین تر جیح دی گئی ہے ۔