سردار شہباز محمد حسنی ،محمد حسنی قبیلے کے اصلی سردار ہیں ، لیفٹیننٹ جنرل (ر) عبدالقادر بلوچ

بلوچستان میں بہت سے قبا ئل آباد ہیں اور کئی لوگ اپنے نا م کے آگے سردار لکھ لیتے ہیں اس سے کوئی سردار نہیں بن جاتا،وفاقی وزیر سیفران

بدھ 31 مئی 2017 22:34

کوئٹہ (اُردو پوائنٹ اخبارتازہ ترین - این این آئی۔ 31 مئی2017ء) وفاقی وزیر سیفران لیفٹیننٹ جنرل (ر) عبدالقادر بلوچ نے کہا ہے کہ سردار شہباز محمد حسنی ،محمد حسنی قبیلے کے اصلی سردار ہیں بلوچستان میں بہت سے قبا ئل آباد ہیں اور کئی لوگ اپنے نا م کے آگے سردار لکھ لیتے ہیں اس سے کوئی سردار نہیں بن جاتا ،2018میں بہت بڑی تبدیلی بلوچستان میں آئے گی ،انہوں نے یہ بات بدھ کو وزیر اعلی سیکر ٹریٹ میں وزیر اعلی کی جانب سے سردار شہباز محمد حسنی اور میر علی حیدر محمد حسنی کی مسلم لیگ (ن) میں شمولیت کے موقع پر دیے گئے افطار ڈنر پر صحافیوں سے بات چیت کر تے ہوئے کہی ،انہوں نے کہا کہ اب سیاست کا رخ قلات،خاران ،مکران اور دیگر علاقوں کی طرف ہوگا ،آوران اور جھلاوان کے علاقے دہشت گردی کا گڑ ھ ہیں جہاںوزیراعلی بلوچستان چیف آف جھلا وان نواب ثناء اللہ زہری اور سردار شہباز محمد حسنی مل کر دہشتگروں کا مقابلہ کریں گے،آنے والے دنوں میں مسلم لیگ (ن) بلوچستان میں مثبت سیاسی پیش رفت کریگی