صوبہ میں 319 رمضان بازاروں میں سستی اور معیاری اشیائے خورد و نوش کی فراہمی کے لے 9 ارب روپے کی سبسڈی حکومت پنجاب کا عوام دوست اقدام ہے، سائرہ افضل تارڑ

اسلام آباد ۔ (اُردو پوائنٹ اخبارتازہ ترین - اے پی پی۔ 30 مئی2017ء) وزیرمملکت برائے قومی صحت سائرہ افضل تارڑ نے کہا ہے کہ صوبہ بھر میں لگائے جانے والی319 رمضان بازاروں میں سستی اور معیاری اشیائے خورد و نوش کی فراہمی کے لے 9 ارب روپے کی خطیر سبسڈی حکومت پنجاب کا ایک عوام دوست اقدام ہے اور وزیر اعلیٰ پنجاب محمد شہباز شریف کی خصوصی ہدایت پر رمضان بازاروں میں آٹا چینی، گوشت، سبزیاں، پھل اور دیگر اشیاء عام بازاروں کی نسبت کم نرخوں پروافر دستیاب ہیں۔

انہوں نے کہا کہ ضلعی انتظامیہ رمضان بازاروں میں عوام کو ہر ممکن سہولت کی فراہمی کے لیے کوشاں ہے اور صارفین کی بڑی تعداد ان بازاروں میں خریداری کرنے آ رہی ہے۔ جس سے ان کا حکومت کے اس اقدام پر بھر پور اعتماد کا بھی اظہار ہوتا ہے۔

(جاری ہے)

ڈپٹی کمشنر حافظ آباداللہ دتہ وڑائچ ، اے سی عمر فاروق وڑائچ ، بازار انچارج نواز گوہر اور دیگر افسران بھی اس موقع پر ان کے ہمراہ تھے۔

وزیر مملکت برائے قومی صحت سائرہ افضل تارڑ نے کہا کہ حکومت تمام ممکنہ وسائل بروئے کار لاتے ہو-ئے عوام کو مہنگائی سے ریلیف فراہم کرنے کے لیے کوشاں ہے اور سستے رمضان بازار بھی اس حکومتی پالیسی کے آئینہ دار ہیں۔ انہوں نے توقع ظاہر کی کہ رمضان بازاروں میں اشیائے خوردونوش کے معیار کو ہر صورت برقرار رکھا جائے گا اور صارفین کو سستی اور معیاری اشیاء کی وافر دستیابی کے لیے تمام محکمے اور افسران اپنا کردار ادا کریں گے۔ انہوں نے بازار میں لگائے گئے گوشت ، چکن، سستے آٹے کے سٹال، چینی، ایگریکلچرفیئر پرائس شاپ سمیت دیگر سٹالوں کا معائنہ کیا۔ اور خریداری کے لیے آنے والوں سے اشیاء کے تقابلی نرخوں اور معیار کے حوالہ سے معلومات حاصل کیں۔