عدالت سے غیر جانبدار رکن کی تعیناتی کا مطالبہ کیا تھا،طارق شفیع کے ساتھ جے آئی ٹی میں دوران تفتیش بدتمیزی کی گئی۔عدالت نے جے آئی ٹی کو ہدایت کی کہ ہر شخص کی عزت نفس کا خیال رکھا جائے، ،عمران خان عدالتوں کا مذاق اڑانا چھوڑدیں اور عدالتوں میں پیش ہوں

مسلم لیگ (ن) کے رہنمائوں دانیال عزیز اور محسن شاہنواز رانجھا کی میڈیا سے گفتگو

پیر 29 مئی 2017 19:50

اسلام آباد (اُردو پوائنٹ اخبارتازہ ترین - آئی این پی۔ 29 مئی2017ء) مسلم لیگ (ن) کے رہنمائوں دانیال عزیز اور محسن شاہنواز رانجھا نے کہا ہے کہ ہم نے عدالت سے غیر جانبدار رکن کی تعیناتی کا مطالبہ کیا تھا،طارق شفیع کے ساتھ جے آئی ٹی میں دوران تفتیش بدتمیزی کی گئی۔عدالت نے جے آئی ٹی کو ہدایت کی کہ ہر شخص کی عزت نفس کا خیال رکھا جائے،جے آئی ٹی کے ایک رکن کی فیملی کا سیاسی پارٹیوں نے تعلق ہے ،عمران خان عدالتوں کا مذاق اڑانا چھوڑدیں اور عدالتوں میں پیش ہوں ۔

(جاری ہے)

پیر کو میڈیا نے گفتگو کرتے ہوئے دانیال عزیز نے کہا جے آئی ٹی کے ایک رکن کی فیملی کا سیاسی پارٹیوں سے تعلق ہے۔ہم نے عدالت سے غیر جانبدار رکن کی تعیناتی کا مطالبہ کیا تھا۔جے آئی ٹی کے سٹیٹ بینک سے نمایندہ رکن کا اس سے تعلق ہی نہیں ۔دانیال عزیز نے کہا جے آئی ٹی میں ایک گواہ پر غیر ضروری دباو ڈالنے کی کوشش کی گئی ۔عمران خان عدالتوں کا مذاق اڑانا چھوڑدیں اور عدالتوں میں پیش ہوں ۔اس موقع پر مسلم لیگ (ن) کے رہنمامحسن شاہنواز رانجھا نے کہا کہ گواہ طارق شفیع کے ساتھ جے آئی ٹی میں دوران تفتیش بدتمیزی کی گئی۔عدالت نے جے آئی ٹی کو ہدایت کی کہ ہر شخص نفس کا خیال رکھے۔(خ ف)