آرسنل نے چیلسی کو شکست دے کر ریکارڈ تیرہویں بار ایف اے کپ کا فائنل جیت لیا

میچ سے قبل ویمبلے اسٹیڈیم میں مانچسٹر حملے میں ہلاک ہونے والوں کو خراج عقیدت کیا گیا ،ْپرنس ولیم بھی اسٹیڈیم میں موجود تھے

اتوار 28 مئی 2017 15:11

مانچسٹر (اُردو پوائنٹ اخبارتازہ ترین - این این آئی۔ 28 مئی2017ء) آرسنل نے چیلسی کو شکست دے کر ریکارڈ تیرہویں بار ایف اے کپ کا فائنل جیت لیا ،ْ میچ سے قبل ویمبلے اسٹیڈیم میں مانچسٹر حملے میں ہلاک ہونے والوں کو خراج عقیدت کیا گیا، پرنس ولیم بھی اس موقع پر اسٹیڈیم میں موجود تھے۔

(جاری ہے)

انگلینڈ کا خوبصورت ویمبلے اسٹیڈیم میں سیکٹروں فینز کے سامنے آرسنل اور چیلسی کی ٹیمیں ایف اے کپ فائنل میں مدمقابل ہوئیں جس میں آرسنل نے چیلسی کو میچ میں آنے کا کوئی موقع نہیں دیا۔

دونوں ٹیموں کے درمیان سنسنی خیز میچ ہوا تاہم فتح دو ایک سے آرسنل کے نام رہی ۔جیت کے بعد آرسنل اسکواڈ نے بھرپور جشن منایا ۔آرسنل نے ریکارڈ تیرہویں بار ایف اے کپ کا ٹائٹل اپنے نام کیا ،ْ منیجر آرسین وینگر نے ساتویں بار یہ اعزاز حاصل کیا ۔میچ سے قبل مانچسٹر خودکش حملے میں ہلاک ہونے والے افراد کے لئے ایک منٹ کی خاموشی اختیار کی گئی جس میں پرنس ولیم اور مانچسٹر کے مئیر اینڈی برنہیم اور دونوں ٹیموں نے شرکت کی۔