جموں وکشمیر میں جاری خون خرابہ کی بنیادی وجہ بھارت کی ضد، ہٹ دھرمی اور طاقت کا نشہ ہے‘حریت رہنماء
30مئی کو تعزیتی جلسے میں شرکت کیلئے ترال پہنچیں اور شہداء کو خراج تحسین پیش کرنے کا عملی مظاہرہ کریں‘اپیل
اتوار 28 مئی 2017 12:50
(جاری ہے)
انہوں نے عوام سے اپیل کی کہ وہ مجوزہ تعزیتی جلسے میں شرکت کے لیے مقررہ تاریخ پر ترال پہنچ جائیں اور شہداء کو خراج تحسین پیش کرنے کا عملی مظاہرہ کریں۔
انہوں نے کہاکہ ترال میں بھارتی فوج اور پولیس نے نہتے شہریوں پر اندھا دھند گولیاں اور پیلٹ چلا ئے جس سے ایک شہری شہید اور درجنوں زخمی ہو گئے ، اس ریاستی دہشت گردی کی جتنی بھی مذمت کی جائے کم ہے۔ آزادی پسندرہنمائوںنے کہا کہ کشمیری قوم نے 2008ء، 2010ء اور 2016ء میں لاکھوں کی تعداد میں سڑکوں پر آکر پُرامن طریقے سے اپنے حقِ خودارادیت کے مطالبے پر مبنی جدوجہد کو آگے بڑھانا چاہا لیکن بھارت نے اس جمہوری طریقِ کار کا کوئی مثبت جواب نہیں دیا ۔ بھارتی فوج اور دیگر فورسز نے نہتے شہریوں پر گولیاں چلاکر سینکڑوں کو شہید اور ہزاروں کو زخمی کردیا اورمہلک ہتھیار پیلٹ کا استعمال کرکے سینکڑوں کو آنکھوں کی بینائی سے محروم کردیا۔ انہوں نے کہاکہ بھارت کے اس ظالمانہ رویے نے کشمیری قوم کی نوجوان نسل کو پُرامن جدوجد کے فلسفے سے ایک بار پھر مایوس کردیا ہے اور وہ سرفروشی کے راستے پر نکلنا شروع ہوگئے ۔ آزادی پسند رہنمائوں نے کہا کہ آج جتنے بھی کشمیری قوم کے لخت جگر میدانِ عمل میں سرگرم ہیں، وہ سب اعلیٰ تعلیم یافتہ اور ذہین وفطین ہیں۔ انہوں نے شعور کی پختگی کے ساتھ جبروزیادتیوں کے خلاف آواز بُلند کی ہے۔ ان میں اکثریت ایسے نوجوانوں کی ہے، جن کو عسکریت میں شامل ہونے سے پہلے بھارتی فوج اور پولیس نے ہر طرح سے مظالم کا نشانہ بنایا اور قدم قدم پر ان کی عزت نفس کو ٹھیس پہنچائی ۔ انہوںنے کہا کہ جہاں بھی نہتے لوگوں کو ریاست کی طرف سے ظلم اور جبر کا نشانہ بنایا جاتا ہے، وہاں اس کا ایک فطری اور قدرتی ردّعمل سامنے آتا ہے۔ آزادی پسند رہنمائوں نے شہید ہونے والے نوجوانوں کو شاندار خراج عقیدت پیش کرتے ہوئے کہاکہ یہ قوم کے کل کے لیے اپنے آج کو قربان کررہے ہیں۔ ان کو خراج عقیدت پیش کرنا اور ان کی قربانیوں کی حفاظت کرنا ہم پر فرض ہے اور یہ ہماری ملی اور قومی ذمہ داری ہے۔ انہوںنے پُرامن مظاہرین پر تشدد ڈھانے کی شدید مذمت کرتے ہوئے کہا کہ بھارتی فورسزکا یہ رویہ آگ پر پٹرول چھڑکنے کا کام کررہا ہے اور اس سے حالات بد سے بدتر ہوتے جارہے ہیں۔ ھارتی فوج اور پولیس لوگوں کو لاشوں پر آنسو بہانے سے بھی روکتی ہیں۔ یہ رویہ زخموں پر نمک پاشی کا کام کرتا ہے اور اس سے جذبات مزیدبرانگیختہ ہوجاتے ہیں۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.