رنویر سنگھ فلم کی شوٹنگ کے دوران زخمی

ڈاکٹرز نے آرام کا مشورہ دیا لیکن نوجوان اداکار نے زخمی حالت میں شوٹنگ پوری کرائی ْ فلم ’’پدماوتی‘‘ میں رنویر سنگھ، شاہد کپور اور دپیکا پڈوکون مرکزی کردار میں نظر آئیں گے

اتوار 28 مئی 2017 11:10

ممبئی(اُردو پوائنٹ اخبارتازہ ترین - این این آئی۔ 28 مئی2017ء) بالی ووڈ اداکار رنویر سنگھ ہدایتکار سنجے لیلا بھنسالی کی فلم’’پدماوتی‘‘ کی شوٹنگ کے دوران زخمی ہو گئے۔

(جاری ہے)

معروف ہدایتکار سنجے لیلا بھنسالی کی فلم ’’پدماوتی‘‘ کی شوٹنگ ممبئی کے فلم سٹی اسٹوڈیو میں جاری ہے جہاں فلم کے سب سے اہم ( کلا ئیمیکس) مناظر کی عکس بندی کے دوران رنویر سنگھ کے سر پر چوٹ لگی لیکن اداکار فلم کی شوٹنگ میں اس قدر مگن تھے کہ انہیں کچھ پتہ ہی نہ چلا تاہم جب اداکار کے سر سے خون بہا تو انہیں اپنے زخمی ہونے کا اندازہ ہوا جس پر فلم کی شوٹنگ فوری طور پر روک دی گئی۔

سیٹ پر موجود عملے نے رنویر سنگھ کو طبی امداد کے لیے اسپتال منتقل کیا جہاں ڈاکٹرز نے انہیں آرام کا مشورہ دیا لیکن نوجوان اداکار منع کرنے کے باوجود فلم کے سیٹ پر واپس پہنچے اور زخمی حالت میں اپنی شوٹنگ پوری کرائی۔واضح رہے کہ فلم ’’پدماوتی‘‘ میں رنویر سنگھ، شاہد کپور اور دپیکا پڈوکون مرکزی کردار میں نظر آئیں گے۔

Facebook Twitter Google + Share on Whatsapp

رنویر سنگھ فلم کی شوٹنگ کے دوران زخمی

متعلقہ عنوان :

مزید اہم خبریں