ٹیکسوں کے نفاذ کے باوجود میری یہ کوشش ہے کہ کلیکشن سسٹم کو بہتر بنایا جائے،سیدمراد علی شاہ
سندھ حکومت صوبے کی مالی صورتحال کو مستحکم بنانے کیلئے رونیو جمع کرنے والے اداروں کی کارکردگی کو بہتر بنانے کیلئے سخت محنت کر رہی ہے، وزیر اعلیٰ سندھ
ہفتہ 27 مئی 2017 22:14
(جاری ہے)
ایس آر بی نے وزیراعلیٰ سندھ کو بتایا کہ انکا ٹیکس جمع کرنے کا حدف 78بلین روپے تھا جو کہ وہ تھوڑے بہت اضافی شارٹ فال کے ساتھ حاصل کر لیں گے۔
چئیرمین ایس آربی نے کہا کہ انہوں نے ایک ٹیکس کے حوالے سے ترغیباتی اسکیم کا اعلان کیا تھا اور اسکا ایک اچھا ریسپانس ملاجس پر ایڈوائزر ایس آر بی نے مشتاق کاظمی نے کہا انہوں نے اس رواں ماہ کے دوران ریکارڈ 8.5بلین روپے کی ریکوریز جمع کی ہیں۔ وزیراعلیٰ سندھ نے حکومت کی مالی صورتحال کو مستحکم بنانے کے حوالے سے ایس آر بی کی کارکردگی کو سراہا ۔انہوں نے ان پر زور دیا کہ وہ اپنی توجہ ٹیکس جمع کرنے پر مرکوز کریں جس سے ریکوریی کی صورتحال کو بہتر بنانے میں مدد ملے گی۔ سیکریٹری ایکسائز اینڈ ٹیکسیشن حلیم شیخ نے وزیراعلیٰ سندھ کو بریفینگ دیتے ہوئے کہا کہ انہوں نے 52بلین روپے کا حدف مقرر کیا تھا جس میں سے اپر یل 2017کے آخر تک 90فیصد وصولیاں حاصل کر لی گئی ہیں۔ صوبائی وزیر ایکسائز اینڈ ٹیکسیشن مکیش چاوئلہ نے وزیراعلیٰ سندھ کو بتایا کہ ہائی کورٹ کے احکامات کی وجہ سے شراب کی دکانیں دو ماہ کے لئے بند ہیں جس کے نتیجے میں حکومت کو 500ملین روپے کا نقصان برداشت کرنا پڑ رہا ہے۔ بورڈ آف رونیو کا رواں مالی سال کے لئے ٹیکس جمع کرنے کا حدف 12بلین روپے سے زائد تھا ۔ چیف سیکریٹری رضوان میمن نے وزیراعلیٰ سندھ کو بتایا کہ مالی سال کے آخر تک 11بلین روپوں سے زائد کا ٹارگیٹ حاصل کر لیا جائیگا۔ واضح رہے کہ بورڈ آف رونیوکے ٹیکس جمع کرنے کے اہم زرائع میں املاک کی منتقلی پر رجسٹریشن فی، سی وی ٹی اور اسٹامپ ڈیوٹی شامل ہیں۔ وزیراعلیٰ سندھ سید مراد علی شاہ نی مختلف محکموں کے آئندہ سالانہ ترقیاتی پروگرام کو حتمی شکل دیتے ہوئے کہا کہ انکی توجہ جاری اسکیموں کو مکمل کرنے پر ہے لہذا انہیں اولین ترجیح دی جائے کیونکہ یہ اسکیمیں تکمیل کے قریب ہیں اور ان سے عوام کو بہت فائدہ حاصل ہوگا ۔انہوں نے کہا کہ وہ انفراسٹکچر کی ترقی ، صحت ، تعلیم ، کھیلوں اور ثقافتی سہولیات کی تکمیل پر خصوصی توجہ دے رہے ہیں کیونکہ اسپتالوں ، اسکولوں ، کھیلوں کے میدان /اسٹیڈیم کی تکمیل اور آرٹ کے اداروں کو ترقی حاصل ہوگی ۔ سید مراد علی شاہ نے کہا کہ سندھ حکومت واٹر کنورزیشن کے لئے کینال لائننگ کا کام کر رہی ہ ے انہوں نے کہا اس سے پانی کے رسائو پر قابو پانے میں مدد ملے گی اور یہ پانی صوبے کی زرعی زمینوں کو سیراب کرنے کے کام آئیگا۔ انہوں نے کہا کہ روہڑی کینال کے اہم حصوں کی لائننگ سے بہت اچھے نتائج سامنے آئینگے۔ انہوں نے کہا کہ روہڑی کینال کے باقی مانندہ حصو ں کی بھی آئندہ سال لائننگ کر دی جائیگی اور جمرائو کینال کی لائننگ کا کام بھی شروع کیا جائیگا۔ آئندہ اے ڈی پی 2017-18میں 780سے زائد اسکیمیں صوبائی ہائی ویز سڑکوں ، پلوں ، سڑکوں کو ملانے ، پانی کی فراہمی ، نکاسی ، ہیچریز، کیٹل کالونیز کی ہیں جو کہ آئندہ سال مکمل کی جائینگی۔ انہوں نے کہا کہ 10بلین روپوں کے کراچی پیکیج کے تحت 18اسکیموں میں سے تقریبا تمام جون 2017تک مکمل ہو جائینگی اور صرف دو اسکیمیں سب میرین رائونڈ ابائوٹ پر انڈر پاس اور این ای ڈی سے صفورا سڑک اگست 2017 کے آخر تک مکمل ہونگی ۔ کراچی زو کی اسکیم کی از سر نو تعمیر اور تزئین و آرائش دسمبر 2017تک مکمل ہوگی اس پر وزیراعلیٰ سندھ نے کہا کہ یہ انہیں قابل قبول نہیں ہے وہ اسکی جلد ازجلد تکمیل چاہتے ہیں۔ وزیراعلیٰ سندھ نے کہا کہ شاہراہ فیصل کے رہ جانے والے حصے کا کام بھی ابھی تک مکمل نہیں ہوا ہے اس پر بھی کام کی رفتار کو تیز کیا جائے۔ چئیرمین پی اینڈ ڈی محمد وسیم نے مختلف محکموں کی مختلف اسکیموں کے بارے میں مزید فنڈز کی ضروریات اور فنڈنگ کی صورتحال اور اسکوپ کے متعلق وزیراعلیٰ سندھ کو بریفینگ دی۔ وزیراعلیٰ سندھ نے آئندہ اے ڈی پی کے حجم اور اسکیموں کو حتمی شکل دینے کے لئے چند مزید اجلاس منعقد کرنے کا فیصلہ کیا۔متعلقہ عنوان :
مزید اہم خبریں
-
جرمنی میں الیکٹرک کارکی رجسٹریشن میں کمی
-
ہفتہ وار مہنگائی کی شرح میں مسلسل دوسرے ہفتے کمی
-
وفاقی وزارت خزانہ نے مارچ کی ماہانہ آؤٹ لک رپورٹ جاری کردی
-
خیبر پختونخوا کی چوبیس سرکاری یونیورسٹیاں وائس چانسلر سے محروم
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
گزشتہ تین روز میں سونے کی فی تولہ قیمت میں 5 ہزار 400 روپے بڑا اضافہ ہوگیا
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.