سرکاری اداروں میں سیاسی بھرتیاں غلط ہیں ،ایسا کبھی کیا نہ کرینگے ، اسحاق ڈار

سیاسی بنیادوں پر ضرورت سے زیادہ بھرتیوں کے باعث اسٹیل ملز اور پی آئی اے جیسے ادارے تباہی کے دہانے پر پہنچ چکے ہیں،وزیر خزانہ

ہفتہ 27 مئی 2017 22:07

سرکاری اداروں میں سیاسی بھرتیاں غلط ہیں ،ایسا کبھی کیا نہ کرینگے ، ..

اسلام آباد(اُردو پوائنٹ اخبارتازہ ترین - آئی این پی۔ 27 مئی2017ء) وفاقی وزیر خزانہ سینیٹر اسحاق ڈار نے ماضی اور مستقبل میں سرکاری اداروں میں سیاسی بھرتیوں کی مخالفت کرتے ہوئے کہا ہے کہ اداروں میں سیاسی بنیادوں پر ضرورت سے زیادہ بھرتیاں کی گئیں جس کی وجہ سے اسٹیل مل اور پی آئی اے تباہی کے دہانے پر پہنچ چکے ہیں، ہماری حکومت نے نہ کبھی سیاسی بھرتیاں کی ہیں نہ کبھی کریں گے۔

(جاری ہے)

ہفتہ کو یہاں پوسٹ بجٹ بریفنگ سے خطاب کرتے ہوئے انہوں نے کہا کہ سیاسی بھرتیاں ملک کے ساتھ دشمنی ہیں ، ہماری حکومت نے نہ کبھی سیاسی بھرتیاں کی ہیں نہ کبھی کریں گے، ماضی میں سرکاری اداروں میں سیاسی بنیادوں پر ضرورت سے زیادہ بھرتیاں کی گئیں جس کی وجہ سے اسٹیل مل اور پی آئی اے تباہی کے دہانے پر پہنچ چکے ہیں۔ ایک سوال کے جواب میں انہوں نے کہا کہ سٹیل ملز کی بحالی کیلئے میں نے ایک دو منصوبے پیش کئے تھے لیکن عمل نہیں ہو سکا ، صبح سندھ کو سٹیل مل کی آفر کی تھی لیکن ڈیڑھ سال سے کچھ نہیں کیا گیا ۔ نقصان میں چلنے والے سرکاری اداروں ری سٹرکچرنگ کریں گے۔(ار)