بجٹ بہت متوازن اور بہتر ہے جس کے معیشت پر اچھے اثرات مرتب ہوں گے،بجٹ کی تیاری میں غریبوں کو خصوصی ریلیف دیا گیا

وزیراعظم محمد نواز شریف کی صحافیوں سے بات چیت

جمعہ 26 مئی 2017 21:10

اسلام آباد ۔ (اُردو پوائنٹ اخبارتازہ ترین - اے پی پی۔ 26 مئی2017ء) وزیراعظم محمد نواز شریف نے کہا ہے کہ بجٹ بہت متوازن اور بہتر ہے جس کے معیشت پر اچھے اثرات مرتب ہوں گے۔

(جاری ہے)

جمعہ کو قومی اسمبلی میں آئندہ مالی سال کا بجٹ پیش کئے جانے کے بعد صحافیوں سے بات چیت کرتے ہوئے انہوں نے کہا کہ بجٹ کی تیاری میں غریبوں پر خصوصی توجہ دی گئی اور ان کو ریلیف دیا گیا ہے۔ وزیراعظم نے کہا کہ بجلی بحران کو مستقل طور پر حل کرنے کیلئے بجٹ میں مختلف جاری و مجوزہ منصوبوں کیلئے مناسب فنڈز مختص کئے گئے ہیں، زراعت اور کسانوں کی بہتری کیلئے بھی اقدامات کئے گئے ہیں۔ ایک صحافی کے استفسار پر انہوں نے کہا کہ آئندہ بجٹ بھی مسلم لیگ (ن) کی حکومت پیش کرے گی۔