سجاول : جمعیت علمائے اسلام کے احتجاج کے بعد ایس پی سجاول فداحسین جانوری نے جعلی ایف آئی آر کو ختم کرانے کی یقین دہانی کرادی

جمعرات 25 مئی 2017 23:56

سجاول (اُردو پوائنٹ اخبارتازہ ترین - آن لائن۔ 25 مئی2017ء) سجاول جمعیت علمائے اسلام کے احتجاج کے بعد ایس پی سجاول فداحسین جانوری نے جعلی ایف آئی آر کو ختم کرانے کی یقین دہانی کرادی ہے جے یوآئی رہنما مولاناغلام حسین نے بتایاکہ جمعیت علمائے اسلام سجاول کے رہنماوں مولانافضل اللہ ، مولاناغلام حسین ،حاجی اسلم ،اور دیگر پر مشتمل وفد نے ایس پی فداحسین جانوری سے آفس میں ملاقات کرکے مذاکرات کئے ،جبکہ ایس پی نے ایس ایچ او سجاول کو طلب کرکے سخت تنبییہ کرتے ہوئے جے یوآئی رہنما ڈاکٹرامین کے خلاف ایف آئی آر ختم کرانے کی یقین دہانی کرائی ،تاہم اصل ملزم عثمان سرویچ کے خلاف مقدمہ درج کرنے سے انکارکرتے ہوئے کہاکہ یہ فیصلہ صوبائی وزیرمحمد علی ملکانی کے پاس رکھاجائے جس میں مخالف گروہ آپ سے معافی مانگنے کو تیارہیں ، ایس پی سے مذاکرات میں طے پایاکہ جعلی ایف آئی آر کو ختم کرکے گرفتارشدگان کو کل آزاد کیاجائیگا، جبکہ صوبائی وزیر اس کا فیصلہ کرکے تمام ترجرمانہ اداکروائیں گے، اس یقین دہانی پر احتجاج کو موخر کیاگیاہے ،