پاناما جے آئی ٹی کی تحقیقات کا طریقہ غلط ہے ،ْکچھ ثابت نہیں ہوپائیگا ،ْ فیصل واوڈا

جمعرات 25 مئی 2017 14:52

اسلام آباد (اُردو پوائنٹ اخبارتازہ ترین - این این آئی۔ 25 مئی2017ء) پی ٹی آئی رہنماپاکستان تحریک انصاف (پی ٹی آئی) کے رہنما فیصل واوڈا نے کہا ہے کہ پاناما لیکس کے معاملے پر بننے والی مشترکہ تحقیقاتی ٹیم (جے آئی ٹی) کی تحقیقات کا طریقہ غلط ہے ،ْلہذا اس سے کچھ ثابت نہیں ہوپائیگا۔

(جاری ہے)

ایک انٹرویو میں فیصل واوڈا نے کہاکہ بدقسمتی سے پاناما کے معاملے کی تفتیش کیلئے ہمارا کسی ملک کے ساتھ کوئی معاہدہ نہیں اور نہ ہی کسی قسم کی رسائی ہے جس سے حقائق تک پہنچا جاسکے۔

انھوں نے کہا کہ اب تک اس جے آئی ٹی میں کسی نے بھی تکنیکی سوال نہیں کیا کہ کسی بھی چیز کے وقت اسٹامپ ڈیوٹی ہوتی ہے اور اس کی مدد سے تحقیقات کی جاسکتی ہیں۔ پی ٹی آئی رہنما نے کہا کہ اگر یہی کام ہمیں مل جائے تو دو مہینے کے بجائے ہم یہ کام 15 روز میں مکمل کرکے دکھا سکتے ہیں۔