عمران کا ایجنڈا ملک کو ترقی کی راہ سے ہٹانا ہے، قوم کو وزیراعظم محمد نوازشریف پر مکمل اعتماد ہے، وفاقی وزیر شیخ آفتاب احمد

بدھ 24 مئی 2017 22:37

اسلام آباد ۔ (اُردو پوائنٹ اخبارتازہ ترین - اے پی پی۔ 24 مئی2017ء) وفاقی وزیر پارلیمانی امور شیخ آفتاب احمد نے کہا ہے کہ عمران کا ایجنڈا ملک کو ترقی کی راہ سے ہٹانا ہے، وزیراعظم محمد نواز شریف پر قوم کو مکمل اعتماد ہے۔ بدھ کو پارلیمنٹ ہائوس میں صحافیوں سے بات چیت کرتے ہوئے انہوں نے کہا کہ ملک میں 2018ء میں بجلی کا بحران ختم ہو جائے گا۔

(جاری ہے)

نوازشریف کے وژن کے مطابق ملک ترقی کی راہ پر گامزن ہے، ملک بھر میں شاہرات اور موٹروے کا جال بچھایا جا رہا ہے۔

ایک سوال کے جواب میں انہوں نے کہا کہ سیاست میں کوئی بات حرف آخر نہیں ہوتی، عمران خان ملک کی ترقی کی راہ میں رکاوٹ بننا چاہتے ہیں۔ عوام ان کے ایجنڈے کو کبھی پورا نہیں ہونے دے گی۔ قوم وزیراعظم پر مکمل اعتماد کرتی ہے۔ آئندہ الیکشن میں ایک مرتبہ پھر مسلم لیگ (ن) کو کامیابی ملے گی، ہماری حکومت نے بے مثال کام کئے ہیں۔