ْ 2012-13کے مقابلے میں آئندہ بجٹ میں ترقیاتی فنڈ ز میں بے مثال بہتری آئی ہے،وزیراعظم نواز شریف

بدھ 24 مئی 2017 20:23

اسلام آباد(اُردو پوائنٹ اخبارتازہ ترین - آن لائن۔ 24 مئی2017ء) وزیراعظم نواز شریف نے کہا ہے کہ آئندہ مالی سال کے بجٹ میں عوام کی 2012-13کے مقابلے میں آئندہ بجٹ میں ترقیاتی فنڈ ز میں بے مثال بہتری آئی ہے، بدھ کے روز وزیراعظم ہاؤس میں وزیراعظم نواز شریف کی زیر صدارت اعلیٰ سطح کا اجلاس ہوا، جس میں وزیر خزانہ اسحاق ڈار، معاون خصوصی ہارون اختر اور دیگر اعلیٰ حکام نے شرکت کی، اجلاس میں وزیراعظم کو آئندہ مالی سال 2017-18کے بجٹ کی حکمت عملی کے حوالے سے بریفنگ دی گئی، ان موقع پر وزیراعظم نواز شریف نے کہا کہ عوام کی سماجی و معاشی ترقی حکومت کی ترجیح ہے، پاکستان میں ترقی کے اہداف کے حصول کیلئے حکمت عملی اہم ذریعہ ہے، حکومت ملک میں بنیادی دھانچے کی تعمیر پر توجہ دے رہی ہے اور بنیادی دھانچے کے ساتھ سماجی بہبود کا شعبہ بھی ہماری ترجیح ہے، انہوں نے کہا کہ 2012-13کے مقابلے میں آئندہ مالی سال کے بجٹ میں ترقیاتی فنڈز میں بے مثال بہتری آئی ہے، حکومت بجٹ میں آزاد کشمیر، گلگت بلتستان اور فاٹا کو یکساں اہمیت دی رہی ہے۔

وقار)